Page 31 - 20s24

DIABIERNA 20 SEPTEMBER 2024 DIARIO PAGINA 31
Mucha
homber ataca

pa tribon na

St. Kitts
BASSETERRE: Polis na St.
Kitts and Nevis ta investi-
gando un atake di tribon, cu
a laga un mucha homber di
9 aña di edad cu heridanan
severo atras.
Polis a bisa cu e mucha
homber tabata na Frigate
Bay Beach ora cu el a wordo
ataca. Hendenan eybanda a
core yuda saca e mucha cu
tabata gritando y yorando, y
cu auto priva a core hibe na
un Hospital pa yudansa.
Docternan a confirma
cu nan a mira marcanan di
mordi riba e braza di e mu-
cha homber, cu ta consis-
tente cu atake di un animal di
lama. E heridanan ta wordo
trata como ‘serio’, y e mucha
homber a keda hospitaliza
den Intensive Care.
Investigadornan ta bus-
cando pa sa e circunstanci-
anan rond di e incidente, y
ta tumando precaucion pa
informa publico. Pa awor e
area rond di Frigate Bay ta
wordo vigila, cu un enfoke
pa identifica cualkier peligro
potencial den awanan. Ya ta
adverti tur hende cu drenta
lama na St. Kitts, pa ta cau-
teloso.

Tiroteo

fatal na

Barbados bao
investigacion

BRIDGETOWN: Polis na
Barbados ta investigando
un caso serio di tiroteo cu a
socede Diasabra cu a pasa,
unda tres hende a ser mata
na un Bar situa den Nelson
Street na e capital.
Polis a haya sa cu banda di
1:55 am, cu tres homber cu
mascara riba cabez a drenta
Majestic Bar y a cuminsa
tira. Nan a los varios tiro
riba e clientenan paden.
A constata morto di tres cli-
ente den e bar, y ocho perso-
na mas a keda herida. Di es-
nan herida, seis a wordo hiba
na Hospital pa tratamento, y
dos cliente masculino a ricibi
tratamento eynan mes door
di Paramediconan.
Dos di esnan cu a ser mata
a wordo identifica como
Kawanee Akobi Lashley di
24 aña, y Chaubhri Antonio
Cordle-Gobin di 24 aña.