Page 59 - MIN.TTC SEPT 4,2015

26 AWEMainta Diabierna, 04 September 2015

Departamento di
Cultura Aruba a haci
entrega di premionan
di San Juan Dera Gay y
Arte di Palabra

E SIMAN aki Departamento di Cultura Aruba (DCA)

den nomber di Ministerio di Cultura, a haci entrega di
diferente premio relaciona cu Fiesta di San Juan Dera
Gay y competencia di Arte di Palabra.
T’asina cu durante di e siman di Fiesta di San Juan, a
organisa un competencia di pintura y obranan di man pa
scolnan basico. E scolnan a haci entrega di nan mihor
obranan di cual a wordo exhibi den sala di UNOCA riba
Stadionweg pa un siman largo.
Tur bishitante por a vota p’e mihor obra di man of
pintura. A base di e votonan a saca e ganadornan cu ta
prome y di dos premio di klas 1 te cu 3 den pintura y obra
di man. Tambe pa klasnan mas halto cu ta klas 4 te cu 6
a saca prome y di dos premio den obra di man y pintura.

E scolnan cu a score mas tanto voto, a haya un premio di
scolnan ganador cu a bay pa Colegio Sagrado Curason
na Savaneta.
Ganadornan di pintura ta: Patricia Alvarado di Scol
Paso pa Futuro (Di dos lugar Pintura di klasnan 1 te
cu 3); Jaden Thijsen di Maria Goretti College (Prome
lugar Pintura di klasnan 1 te cu 3); Emma School Groep
2-A (Di dos lugar Pintura di klasnan 4 te cu 6); Nigel
Thijssen di Maria Goretti College (Prome lugar Pintura
di klasnan 4 te cu 6).

Ganadornan di Obra di man ta: Sue-Jean Croes di Puis
X-School (Di dos lugar Obra di Man di klasnan 1 te cu
3); Dwayne Webb di Scol Primario Kudawecha (Di dos
lugar Obra di Man di klasnan 4 te cu 6); Scol Paso pa
Futuro Groep 7-B (Prome lugar Obra di Man di klasnan
4 te cu 6); Javinah Besselink di Colegio Sagrado Curason
(Prome Premio Obra di Man di klasnan 1 te cu 3).

E competencia di Arte di Palabra cu a tuma lugar riba
7 di maart 2015 na Teresita Center, San Nicolas. Un
competencia di poesia y cuenta cortico na Papiamento.
A haci entrega tambe di premio n’e scol ganador di Arte
di Palabra (ADP) cu ta na Mon Plaisir College MAVO.
Durante e competencia di ADP, Rafael Garcia a score e
punto maximo y esaki a pone cu su scol a bira e ganador.

Mon Plaisir a ricibi di Comision ADP cu ta consisti di
DCA, Fundacion Lanta Papiamento (FLP) y Grupo
Corector di Papiamento (GCP) un certificado di regalo
di Sams na balor di Awg. 1.000,=
Comision di ADP ta gradici ATA cu a sponsor e suma
aki p’e premio. Departamento di Cultura ta felicita
alabes gradici tur e ganadornan y e scolnan ganador cu
a participa na ambos evento.