Page 12 - MIN ECEM

parti di e comision aki. Ainda nan ta papiando riba dje, pasobra den poco tempo, no por bin
cu un solucion, tin hopi cos riba mesa y no lo papia riba nan ainda, te ora cu tin un contesta
riba ki rumbo kier bay. Esey ta bis’e tambe na Gobierno, cu esaki awor aki ta esun mas
adecua pa bay sanea e landfill y tambe cuminsa cu esun nobo.

Prepara

Robert a sigui splica cu Serlimar ta cla pa tur cos awor aki. Pasobra e landfill mester wordo
apunta. Nan tin mas of menos un luga cu nan kier pone, pero no por papia riba dje ainda
tanten cu e no ta concreto.

Si bay papia cu e empleadonan awor aki, ta hala di storia lo bay scucha y tur di nan ta e
berdad. E ta conta pa e sindicato tambe. Al fin y al cabo ta sindicato ta representa nan.

Maneho di sushi

Pa loke ta maneho di sushi, na momento cu Serlimar a bira un NV, nan ta papiando riba dje.
Mas prome no sa di dje. E tempo ey, Aruba no tabata tin ningun maneho. Ta cuestion di
kima, benta cos den dump, etc. Ora cu e Sui Geniris a bin, a cuminsa pone algo riba papel.
Pesey tin container, tanto minicontainer, e bakinan di 20 pa 30 yarda. Ta coy sushi na cas.
Nan a haci basta cos pa tene Aruba limpi. Mester bisa si cu e containernan a yuda masha
hopi mes.

Antes e sushi tabata wordo benta dilanti di cura.

Plan

Victor Robert a splica cu pa loke ta e plan pa sanea dump, Serlimar no por paga e gastonan.
Ta via Gobierno e cen mester bay y si ta pa nan, dependiendo di e expertonan tambe. Si
nan kier bin cu makinaria, cu ta duradero y cu no ta costa hopi placa. Pero awendia, cosnan
ta costoso y esey mester wak bon si e ta pa yega haya un aparato cu ta barata, den e
sentido cu Aruba por page. Tambe pa e gastonan pa procesa e sushi no bay dje halto ey.
Pasobra si e bay halto, ta mesun leu ta keda. Awor aki caba cu un suma relativamente
abao, ta dispuesto pa paga.

Mas servicio

Serlimar ta dunando un bon servicio awe. Nan tin diferente servicio ta haci y hende ta paga.
Nan ta yama y nan ta bay wak, etc. nan mester djis yena e baki y nan ta percura pa tur
esey bay landfill. Den prijs tambe ta inclui e gastonan di procesa esey.