Page 14 - AM210903

14 AWEMainta .com Diabierna, 3 September 2021

Toyota a baha caminda y dal contra

pal’i luz na Camacuri

Diaranson anochi pa mas o menos 10:30, Polis a

bay riba e caminda di Camacuri unda lo tabatin
accidente di trafico y cu hende herida.
Na yegada di Polis, nan a constata cu un auto marca
Toyota a dal contra un pal’i luz, y despues a sigui

bay para mas pabou.

Den prome instante a papia cu lo tin hende herida,
pero na yegada di Polis nan a constata cu esey no

tabata e caso.
Na stuur di e vehiculo tabatin un dama, cu Polisnan
a lague supla pa controla si e por a bebi. E dama a
coopera y a supla, y tur cos a sali na ordo.

Na final a pidi pa un ambulance pa haci un check
up di e señora, mirando cu e airbag a bula y e auto a
haya basta daño, cu ta un indicacion di un sla fuerte.

Elmar a wordo pidi n’e sitio debi cu e pal’i luz a ricibi
daño lo scheur, y ta Elmar so por a bisa si e lo wanta
te mainta p’e wordo cambia.