Page 12 - RDA

El a trece un aclaracion den sentido cu e impresion cu el a sinti cu oposicion kier a trece
dilanti, ta cu e gobierno actual no tin ningun interes den e refineria. E ta kere cu tur
esnan cu ta sigui e conferencianan di prensa di gobierno sa cu esaki no ta e caso.

Na mas di un ocasion gobierno a mustra cu tin Plan A, cu ta cu e refineria tey y tin un
contrato na cual gobierno ta mara y tanten ta asina tin cu actua di acuerdo na e
contrato aki.

Si esaki no cristaliza gobierno tin cu busca Plan B y cuminza puntra si ta momento pa
Aruba pensa di biba sin un refineria of si mester busca un operador nobo.

Mas ainda, el a bisa cu di parti di oposicion Mike de Meza a haci un ruego hopi intenso

pa por fabor papia cu e hendenan di Citgo y tene nan na Aruba. E mandatario a splica
cu no ta gobierno a core cu nan, ta nan a bisa cu nan tin cu shut down pasobra nan no
tin placa.

Ta nan a bin bisa gobierno cu nan no por sigui pasobra nan tin problema entre Merca cu
Venezuela. Y ora gobierno a drenta nan a bisa cu nan kier papia cu e doño di curpa, pa
bisa con leu nan ta cu inversionnan pero no por a haya ningun manera pa papia cu nan,
pasobra tur ta deteni den prisionnan “all over the world”.

E dignatario a señala cu e bon noticia ta cu e siman aki, awe 4 di April nan lo bin Aruba
y gobierno lo papia cu nan y bin tende kico ta nan plannan. Pues no mester laga
oponentenan hiba esaki den otro direccion, aworaki cu Aruba ta pasando den

momentonan hopi dificil, cu retonan hopi serio y ta momento pa trata e asunto aki cu
seriedad, y asina e gobierno aki ta trahando di dialuna pa diadomingo sin fin di siman ni
oranan di anochi y madruga. Tur minister ta trahando constantemente, pa saca e pais
aki for di e abismo cu e ta aden, y ohala por logra pronto pa atende cu tur e retonan

aki.