Page 33 - MIN ON_Neat

Minister Michelle Hooyboer-Winklaar: Door di nacionalisa e

toest di Colegio, a haci cu resultadonan ta mas positivo

Tuesday, 02 May 2017 19:54
Comparti

Nos a acerca minister Michelle Hooyboer-Winklaar, kende a papia un tiki riba resultadonan di Colegio
Arubano por ehempel. Como minister di enseñansa, tin hopi discusion, hopi biaha riba puntuahe, etc.
El a cuminsa ta splica cu tin cu wak con e tabata un 4 aña pasa. Ora cu a cuminsa analisa e resultadonan
pa loke ta trata esnan for di scol basico cu ta drenta ciclo basico di Colegio, ambos colegio tanto p’ariba
como p’abao. E realidad ta eynan cu un 20 porciento so di studiantenan cu ta caba basis school ta drenta
HAVO. 20 porciento ta bay EPB y e gran mayoria 60%, ta bay MAVO.
Esey riba su mes ta trece diferente puntonan interesante, entre otro cu riba un pais cu bo kier toch
desaroya cu mas hopi hende ta haya un estudio superior, of un HBO of un WO opleiding, eynan ta unda
tin cu cuminsa bay bek, den puntra dicon e porcentahe ta mas abao compara cu otro paisnan cu ta un
punto di salida masha simpel, cu nos studiantenan no ta menos capacidad compara cu otro pais. Dicon e
ora ta 20% so ta drenta HAVO. Ora a cuminsa wak y analisa, a base di kico nan ta drenta, a wak, cual a
referi hopi den pasado, cu no ta solamente nan cifranan durante 6 aña di scol basico, pero nan ta traha
un test, e test eynan tin dos diferente vak. Esey ta Hulandes y Rekenen y a base di e puntuahenan di esey,
esta kico nan resultadonan di e test eynan ta so tabata determina si nan ta drenta HAVO si of no.

A cuminsa delibera riba cu esaki ta un manera husto pa evalua nos studiantenan y e conclusion tabata cu
no. Esaki no ta duna un miho bista riba e capacidad di no solamente esnan cu ta cabando scol basico,
pero esnan cu eventualmente lo sigui den HAVO y kico lo ta e resultado eynan.
Un test riba un dia pa e ministerio, no ta un manera adecua pa evalua nos studiantenan. Eynan ta
caminda cu a cuminsa haci cambionan cu sigur tabata tin resistencia, pero cu tabata convenci cu esaki
tabata e miho forma mas husto pa por evalua y analisa e ora ey e studiante nan capacidad. Eynan ta unda
cu aña pasa a introduci cu no ta solamente e test so ta conta, pero tambe nan cijfernan di 5de y 6de klas.
Hunto, ta combina tur esaki y e ora ta determina entrada y admision na Colegio.
E aña aki, a introduci y inicia e ora ey e di dos fase, unda cu a nacionalisa e toets mes cu studiantenan ta
traha cu den pasado tabata Colegio mes tabata traha e toets y analisa e toets. E ora ey pafo di esey no por
a saca afo e valides di e preguntanan, e setup di dje, con precies ta midi algun di e preguntanan y e peso
di cada un. Eynan ta unda cu a cuminsa delibera tambe cu diferente instancia manera Inspectie, manera
Examenbureau, Directie Onderwijs, unda cu a yega tambe na e conclusion cu esaki ta algo cu mester
nacionalisa unda cu esnan cu ta traha e testnan, cu ta docentenan di ambos Colegio, por sigui haci e parti
eynan, e contenido di e test, pero pa loke ta e proceso, pa loke ta e evaluacion y tur e trabao cu ta bin
despues, pa e ministerio, tabata logico pa uza instancianan cu ta eynan pa haci esaki, cu ta haci’e pa tur e
otro examennan, cu ta Examen bureau, hunto cu CBS.