Page 26 - DIARIO 16 SEPTEMBER 2021 COMPLETO.indd

PAGINA 26 DIARIO DIAHUEBS 16 SEPTEMBER 2021
Mensahe Birgen di Gracia di Aruba

Mi Mensahe

25 Mei 2021 - 9:00 9m na Koyari, Aruba

Un bendicion cu ta bin
di profundo di Mi Curazon.

Na prome lugar un bendicion cu ta bin di profundo di Mi curazon, maske cu
tin hopi hende carga, cansa, cu dolor y cu hopi problema.
Mi yiunan, Mi ta sinti ora boso curazonnan ta deprimi, cu dolor, cu proble-
ma y boso no sa con pa sali for di dje. Awe Mi kier siña boso con pa resa,
con pa papia y pidi di curazon cu amor.
Mi yiunan ta kere firmemente den e amor di Mi Yiu Hesus, cu ta un amor
berdadero pa boso tur, maske cu te ainda boso no a logra boso soñonan y
boso metanan? Pero awor e ta na caminda y cu confianza boso tur ta bay
logr'e, boso ta kere? Confia den e amor y e confianza cu boso a bin awe
nochi, di bin pidi pa un ser keri of di algo cu boso no a caba cune ainda, o
sea cu boso cas, boso tereno, cu boso plantacion, boso propio salud. Tur
enfermonan den hospital ta haya bendicion di Ami boso Mama, di Iglesia
Catolico cu ta yen di gracia, yen di amor y splendor. Confia, kere y sigui
lucha. Mi sa cu boso tur, hopi biaha ta deha, no kier sigui bin mas, ta laga
otro kibra boso creencia y fe y awe Mi kier pa boso contesta Mi; Awe mi
kier un bida nobo, un transformacion di cabes te na pia, tur parti cu mi tin
dolor ta worde cura. Pasobra e palabra ta bisa, kere y confia den Mi Yiu
Hesus, pasobra E por tur cos.
Awe e defuntonan cu ta den cielo kier brasa boso. Boso tin un famia den
cielo? Un ser keri cu te ainda boso no por lubida, tur ora boso ta yora pe,
pero Anos si tin nan den cielo. Boso kier bisa algo na un mama, na un tata,
na un ruman, na un yiu, na un bisiña, na un amiga y un amigo of algo cu
boso tin den curazon pa pidi? Awe e almanan den Gloria kier pidi hopi pa
tur esnan cu a drenta purgatorio, pasobra nan no kier bay eynan. Confia y
pidi durante e Aparicion di awe, sclamando y pidiendo na Santa Rita, na
Pader Pio y na tur otro Santonan, pa tur cu ta den purgatorio, sali pa cielo y
asina nan por drenta den un nivel 9. Eynan ta e regaldo di mas grandi di Mi
bida pa boso, pasobra boso mester haci mas esfuerso pa resa, pidi mas, bay
Misa, resa den famia y confia mas.
Cuanto di boso ta lanta cu tristesa, cu lagrima, cu curason cu ta bati duro.
Otro dia boso ta lanta kibra sin gana di haci nada y boso kier bay cama. Mi
yiunan no haci esey, tuma solo pa boso tin bida, no bay cama, esey e diabel
kier di laga boso sinta un caminda sin move y ningun hende ta yuda boso.
Bisa, awe mi kier ta cura, libera y transforma y mi no ta laga ningun hende
kibra mi fe, pa dilanti mi ta bay, yen di Spirito Santo, yen di amor, yen di
bondad y hopi milager.
Boso tur kier milager? Habri boso curazon mas y lubida boso pasado. Tin
ora boso ta ripara cu tin hende cu no kier boso, pero Ami kier bisa boso, cu
Ami si kier boso hopi y hopi mes y Mi no kier laga boso bay. Mi kier tene
boso mannan, Mi kier brasa boso, Mi kier pasa Mi man riba boso cabey, na
boso cara y na boso lomba, pa asina Mi por kita tur disgusto, dolor y prob-
lema, cu otronan cu no ta worry cu boso, ni pa scucha boso, ni pa tende di
boso, ni apoya boso. Pero Ami kier declara boso awe nochi, cu tin speran-
za, e ta hopi cerca di boso bida y di boso curazon.
Pidi na Spirito Santo, pa asina boso tur logra y boso soñonan bira reali-
dad. Boso mester di salud, Mi ta pidi na Mi Yiu Hesus pa boso salud. Si
boso tin un preocupacion den boso bida y cu te ainda boso no a logra, Mi
gracianan, Mi splendor ta bay drenta den boso y duna boso forsa, di bau di
boso pianan te na boso corona di cabes y bisa cu Mi; Mi ta confia y Mi ta
sigui confia den e poder maraviyoso di Mi Yiu Hesus. Cuanto aña bosonan
kier biba di edad? Mas grandi of tin cu kier bay caba of tin cu no ta prepara
pa bay of tin cu kier wak tur loke ta biniendo pa mundo; 1 calamidad, 2 tres
dianan di scuridad, 3 un cambio radical di mundo.
Tur nacionnan di mundo mester uni cu otro, pa e guera por para y unda
boso lo mira dolornan di calamidadnan, di discriminacion na otro, paisnan
na mundo kier mata otro pa envidia, pesey nos mester resa cu confianza y
cu amor. Si acaso boso ripara cu tin hende cu tin rabia y cu no ta gusta
boso? Bay na rudia, resa pe, pidi pe, pa mayan e persona ey aprecia boso,
stima boso y balora boso. Confia, confia y sigui confia den e amor di e lus
di bida riba boso.
Mi kier bisa awe, boso tur cu ta presente y pendiente, ta haya un regalo
divino y precioso. Mi sa kico boso kier. Boso ta sinti den boso curazon awor,
cu boso a keda cla? Contesta Mi, pero cu fe, cu amor y sin miedo, sin duda
y no laga ningun hende stroba boso. Mi ta cumpli pa boso soño bira reali-
dad y pronto esnan cu boso ta stima ta bin na boso curazon y pa esnan cu
boso ta stima cu ta den cielo, nan lo duna boso un brasa di henter nan cura-
zon pa boso.
Danki Mi yiunan, no tene miedo di nada, aleha for di e scuridad di pika,
drenta di biaha den e claridad di Mi Yiu Hesus, pasobra ta un bida so boso
tin, bib'e Cristianamente pa boso drenta cielo, esnan cu ta biba den pika,
mester drecha nan bida, pasobra Mi sa cu boso por. Boso tur ta un pecador,
pero semper Mi ta duna boso un oportunidad, un chens di nobo, pa cambia
boso bida.
Un sunchi y un brasa, Mi ta stima boso pa semper y Mi ta resa pa un y tur
den e mundo aki. Mi ta termina y bisa boso, cuanto Mi ta stima boso. Scucha
e mensahe den profundidad di loke boso ta bay tende di Mi Yiu Hesus,
respeta loke cu E kier bin trece pa mundo.

Di boso Mama, La Birgen di Gracia di Aruba pa tur
eternidad.
AMEN