Page 8 - MIN VOS

Jacky Van Putten (POR): Elimina Politica For Di

Comision Di Subsidio Y Deporte

 Local

 Politica
- 18/07/2017

Diadomingo nos tur por a tuma nota di un team di hobennan para na diferente skina
p’asina nan recauda fondo pa nan por hunga baseball afo. Hopi t’e comentario fuerte
contra Gobierno pa cu esaki. Te hasta politiconan a mustra nan descontento. Mi inbox a
yena cu preguntanan tocante di e subsidio of con esaki ta hinca den otro?

Dialuna Minister di Deporte a contesta e inkietud aki y a basa su mes cu tin reglanan
stipula p’asina bo organisacion por bin na remarca pa un subsidio, segun Jacky van
Putten.

Den e preguntanan mi por a ripara cu tin un falta di informacion riba con bo por bin na
remarca pa un subsidio. Hopi clubnan no ta prepara debido of no tin e capacidad pa pone
un peticion den otro cu e consecuencia cu nan nunca ta yega na remarca.

Minister di Deporte a reorganisa e comision di subsidio y a hacie un entidad huridico
entrante 1 di januari 2018. Lo ta bon e ora pa haci un campaña di conscientisacion pa tur
e clubnan deportivo pa nan por wordo educa con nan mester prepara nan programanan y
asina nan tambe por bin na remarke pa haya subsidio.