Page 70 - KPA OCT 13 2015

Polis ta buscando testigo clave den caso di atraco arma

Publication: Tuesday, 13 October 2015. Categoria: Policial
Tres siman pasa den Havenstraat

ORANJESTAD (AAN): Riba diabierna 18 di september ultimo, pa mas o menos 7:05pm a
sosode un atraco arma riba e propietario di “Kevin Jewelry” situa den Havenstraat. Esaki a
sosode net na momento cu e comerciante tabata subiendo su auto.
Polisnan a activa mesora y e ekipo specialisa riba e tipo di investigacionnan asina, “Atraco
Team” a presente na elugar pa tuma e investigacion over. Den e cuadro aki a repasa e caso y a
verifica e pruebanan cu tabatin na e momento ey caba.
Den cuadro di e investigacion, y pa por yega na mas informacion cu por conduci na gara e
sospechosonan envolvi, e Recherchenan di “Atraco Team” ta buscando e testigo cu a mira e
atraco tuma luga. A papia cune e anochi ey pero no a logra haya contacto mas cune.
Ta haci un apelacion special riba e testigo encuestion, si e por tuma contacto cu Dennis Jacobs na
527-3283 of yama 100 of yama tipline 11141 pa por haya contacto cu e ekipo di Polisnan cu ta
investigando e caso.
Cuerpo Policial Aruba ta soluciona un gran mayoria di casonan di atraco cu ta tuma luga riba nos
isla. Parti di e exito den solucion di e casonan sin duda ta e envolvimento di comunidad, den
forma di suministracion di informacion cu por conduci na detayenan clave pa yuda soluciona e
caso. Tur informacion ta importante, pa con chikito cu e por aparenta. Ta gradici comunidad di
antemano pa e yudansa di semper.
http://www.diario.aw/2015/10/polis-ta-buscando-testigo-clave-den-caso-di-atraco-arma/