Page 10 - AAA, 11 May 2015
P. 10
Pronto miembronan di STA na aeropuerto lo cay bou di
APFA
Sunday, 10 May 2015 20:48
Comparti
Sindicato STA ta bai hinca tur su miembro nan emplea na AAA NV den e fondo di penshun di APFA.
Esaki a bin den un comunicado cu e presidente Diego de Cuba a manda.
Pa basta tempo caba bestuur di STA ta tratando na afilia e empleadonan di AAA NV den e fondo di
pensioen di APFA. Actualmente e division bou di e empleadonan ta mucho grandi .Tin un grupo den
APFA, otro grupo den Guardian(FATUM) y un otro cantidad bou di LAP. Sindicato STA a mustra
gerencia cu e situacion aki no por continua mirando e hecho cu esaki ta wordo considera
descriminacion. Tambe STA a mustra gerencia di AAA NV cu nan ta violando e CAO actual y cu nan
mester drecha cos of STA ta bay corte. AAA NV tin un cantidad substancial di empleado cu AAA NV no
a deposita e 10% pa nan conforme articulo 38 di e contrato colectivo actual locual ta un violacion hopi
grave. Durante e reunion di dia 6 di mei 2015 atrobe STA a expresa e deseo di su miembronan pa afilia
na APFA pero parce cu gerencia ta hunga sordo. APFA ta di ARUBA y mester percura pe sobrevivi
mirando e hecho cu e cantidad grandi di pensionadonan ta hopi necesario pa bin miembro nan nobo
acerca pa sigura continuidad di e fondo di pensioen.
http://www.24ora.com/local-mainmenu-5/94996-pronto-miembronan-di-sta-na-aeropuerto-lo-cay-
bou-di-apfa
Aruba y AAA NV ta firma contract cu Vision Box pa e proyecto ‘Happy
Flow’
Sunday, 10 May 2015 20:50
Comparti
Den un ceremonia cortico pero importante, Gobierno di Aruba, Aruba Airport Authority y FDA
(Fundacion Desaroyo Arubano) a firma un contract cu Vision Box pa compra y instalacion di e
portanan automatico pa procesa pasaheronan (Happy Flow Project) na Aeropuerto International
Reina Beatrix.
E Happy Flow Project ta hopi mas cu solamente e control automatico na frontera y ta encera henter e
trayecto cu e pasahero ta pasa aden for di momento cu e check-in te momento cu e aborda su avion. E
sistema di mara tur e fasenan aki na otro via e uzo continuo di e sistema biometrico, ta unico pa cada
pasahero.
