Page 44 - HOSPITAAL

Famia Planea ta un fundacion. Si bay bek un 5 pa 10 aña pasa, e producto mas bendi no

solamente cerca e fundacion, sino na e boticonan tambe, ta rond di 70% di e poblacion. A

haci un encuesta na 2013 hunto cu Universidad di Aruba y e producto mas bendi of bebi

di anticonceptivo ta de pill, cual ta e producto Microgenon. Ta e producto cu ta hopi mas

pidi cu constantemente e ta un producto cu ta e nivelnan di hormoon ta bay bon cu

mayoria hende. E ta un producto cu hopi hende ta uza y cu ta hopi aña riba mercado. E

pil tradicional ta keda uno sumamente halto den demanda, segun Evelyn Ras-Yarzagaray.

Loke a bin ripara den transcurso di ultimo añanan, cu hobennan ta mas apto pa algo

diferente. E hangua di 1 luna tambe a bin ta compitiendo cu e pil di tur dia. Hopi hende

den nan hectic lifestyle, den nan iregularidad di comemento y drumimento iregular. Full e

bida hopi intenso y hectic, hopi biaha no ta bay bon cu e pil, e bebemento tur dia na e

mesun ora. Pa hopi hoben y hasta adulto e no ta algo cu nan por combina facil. Kiermen a

bin ta brinda e otro opcion aki cual a bin awor aki ta surpasa e ultimo dos añanan hasta, e
bebemento di oral contraceptive cu ta de pil, cu ta e hangua di un luna. E ta hopi popular,

no tin cu corda tur dia, e ta un biaha pa luna ta corda. Esaki ta haci’e conhuntamente cu

tur dokter di cas. E pashent ta bay cerca su dokter di cas. E ta haya e recept pa prome

biaha. Una bes cu e ta un miembro na FFP, e ta busca e producto, djey e ta bay dokter di

cas, y ta inyecta e hangua aki cada luna.

Condoom ta keda den tur pakete cu FFP na e hoben, sea cu ta e mucha muhe of mucha

homber. Awor aki tin miembresia gratis pa e persona masculino tambe. Antes esey no

tabata asina. Bo por a djis cumpra e condoomnan. Una bes miembresia ta gratis, bao di

21 aña, sea cu ta de pil of prikpil, den e pakete anual, bo por haya condoom gratis tambe,

te un x cantidad pa aña.