Page 51 - HOSPITAAL

Recientemente un delegacion chikito di Sint Maartenskliniek tabata presente na Aruba pa asina
elabora riba un posibel colaboracion. “Na aña 2015 a yega un peticion pa asina brinda cuido di
reumatologia na e pashentnan di dr. Horacio E. Oduber Hospital (HOH). Nos di Sint Maartenskliniek

a haya esaki un tremendo oportunidad pero kier a sigura na prome luga cu nos por cumpli cu e
demanda rekeri. Alabes un expansion di e Reumapoli ta pas perfecto cu e asina yama
“satellietstrategie” di nos Hospital pues a dicidi di acepta e proposicion aki”, asina sr. Gert van Enk,

miembro di Hunta di Directiva di Sint Maartenskliniek ta conta.

Ultimo dianan aki coleganan di HOH y di Sint Maartenskliniek a elabora riba e contenido di e futuro
praktijk di reumatologie na Aruba. Tur dos Hunta di Directiva tin gran confiansa den e colaboracion

aki y a pone esaki den un convenio cu a firma recientemente. Cu esaki por conta alabes riba e
commitment di staf medico y tambe di AZV. Ta e intencion pa durante 2018 un reumatologo di Sint
Maartenskliniek cuminsa labora na HOH.

Sr. Ezzard Cilié di Hunta di Directiva di HOH a duna di conoce di ta sumamente contento cu asina
nos por garantisa pa medio di e calidad di Sint Maartenskliniek e expertisio specialisa riba tereno di
reumatologia riba nos isla Aruba.