Page 39 - MIN ROBERT C

mandato no lo termina aki 10 dia. Ta wak gewoon aki 10 dia, no a resalta cu tin un

contienda electoral. Si bo ta papia di plannan cu ta wordo determina como si fuera cu no

tin contienda electoral, e ora esey Bikker a haya hopi remarcabel. Ora cu bo ta papia di

algo, e acto aki ta compara cu Prinsjesdag na Hulanda y Prinsjesdag ta wordo delinea cu

a presenta un presupuesto y e Gobierno aki no a presenta un presupuesto dia 1 di

September. Basicamente y e minister di finansas no a mira su presencia, cual tabata hopi

remarcabel. Pasobra un aña parlamentario nobo, e apertura, e minister di finansas mester
ta presente, pasobra e documento central rond di cual Parlamento ta controla Gobierno, ta

un presupuesto. Los di esey, si bay riba loke a wordo menciona den e discurso, a toca

temanan di por ehempel cu presupuesto 2017, ora el a wordo presenta, ta delinea cu tin

un norma di 0.5% cu ta bay wordo logra, como si fuera esey ta wordo logra. Pero a tuma

nota di CFT, cu a duna un reaccion recientemente, caminda netamente CFT a bisa cu e ta

bay ta un reto cu ya caba e lo bay ta na 0.7% di e GDP, pa loke ta trata e norma, ta wordo

surpasa y esey ta nifica cu e Gobierno no ta cumpliendo. Bikker ta haya hopi remarcabel

cu un Gobierno cu netamente door di su mal maneho financiero a wordo impone cu un

CFT.

No mester lubida cu na 2014 tabata tin un welga di Insure pavia di mal maneho

financiero. Despues na 2015 a bin Gobierno di Hulanda pa impone cu mester introduci’e
prome cu 1 di Augustus 2015 un supervision financiera, netamente door di e mal maneho

financiero. Ta poco ironico cu un Gobierno awor aki ta bin referi na un norma cu lo nan

ta bay logra, como si fuera cu nan maneho financiero lo ta hopi bon, lubidando di subraya

cu netamente Aruba a wordo impone cu supervision financiero door di mal maneho

financiero desde 2013/14, bin ariba.

Ta cos hopi remarcabel, pero na final di dia ta bay tin eleccion aki 1 siman. E mandato di

Gobierno ta termina eynan tambe y bottom line ta cu lo bay wak kico pasa.

Tambe tin cu remarca finalmente, cu a papia riba entre otro insiguridad y a papia riba

integridad. Un di e cosnan, cu ta insiguridad, cu nos ta conociendo recordnan pa loke ta