Page 31 - AM240917

Diamars 17 september 2024 AWEMainta COMUNIDAD 31

Eclipse parcial hopi limita Saros 118 diamars anochi

AWE anochi dia 17 di september 2024 lo tuma luga un Eclipse

Parcial di Luna Saros 118 e lo cubri Norte America, Centro
America, Caribe, Sur America, Africa y Europa. Na Aruba e
eclipse parcial ta inicia pa 10:12 pm di anochi y e parti maximo
di e eclipse lo tuma luga pa 10:44 pm di anochi y e eclipse

parcial ta termina pa 11:16 pm y e penumbra ta termina pa
12:47 am di diaranson marduga dia 18 di September 2024 aki
na Aruba.

Aruba Astro Research Int. lo cubri e evento aki sacando potret,
haciendo filmacion y lo purba transmiti esaki via imagen via
AAR su Facebook webpage y na radio esaki lo wordo transmiti
na TOP FM 95.1 den e programa Hit Express seccion informa-

tivo Astro News.

E sombra cu lo cubri e superficie di e luna ta bay ta solamente
8% so na rand di e luna. Mientras cu e luna ta bay ta den luna

yen y supermoon dia 17 di september 2024 pa 10:34 pm AST
Atlantic Standard Time ora local na Aruba y ora universal UTC
dia 18 di september 2024 pa 02:34 am 4 ora mas delanta cu
nos region.

E evento celestial di eclipse parcial di luna lo pasa parti zuid
paso e luna ta transita pazuid e ta alaves un supermoon.
Sperando cu e tempo lo por coopera cu e nubia lo no stroba.

Esaki ta bay ta un eclipse parcial cu un sombra hopi limita di
8% e evento di eclipse mas limita den historia pa cu sombra di
nos planeta tera.