Page 26 - MIN ON AUG 08

AWEMainta Diabierna, 07 Augustus 2015 23

ROTTERDAM A YAMA STUDIANTENAN
CARIBENSE BON BINI

DEN HAAG – Den e Burgerzaal di stadhuis di Rotterdam a tuma lugar

ayera 6 di augustus un encuentro pa yama bon bini n’e grupo di studi-
antenan for di e islanan Caribense cu a bin Rotterdam pa sigui studia.
Presente den nomber di Gabinete di Aruba tabata directora Shandra
John y functionario di enseñansa di Gabinete di Aruba Ivonne Navas.

E presentacion tabata na encargo di Karin Fraai. E programma a cuminsa
c’un video di e ciudad di Rotterdam. Despues secretaris di Gemeente
Rotterdam André Verhooren a hiba palabra den nomber di e Gobierno
municipal.
Den su discurso sr. Verhooren a bisa n’e studiantenan kico nan por spera
y encontra n’e cuidad di Rotterdam.
Tambe el a bisa cu sigur e studiantenan lo haya algun contratiempo,
pero cu nan mester busca sosten cerca nan mentor of cerca docentenan
na nan scol.

Siguientemente Karin Fraai a papia cu algun di estudiantenan nobo pa
nan conta mas tocante di nan mes. Despues Karin a puntra directora di
Gabinete di Aruba Shandra John riba su experencia como studiante na
Hulanda.
Sra. John no unicamente a conta riba su experencia como studiante na
Erasmus Universiteit, pero tambe a duna consehonan util n’e grupo di
studiantenan nobo.
Tambe a hiba palabra dos studiante kendenan recientemente a termina
nan estudio p’asina conta tocante nan experencia. Un di nan t’e Arubiano
Jai’rus Barry, cu despues di suestudio “maatschappelijk werk en dien-
stverlening” na Hogeschool In holland na Rotterdam, awor ta traha n’e
“jongeren loket” di gemeente Rotterdam.

E parti final di e programma a consisti di un quiz tocante Rotterdam
p’asina test e conocemento di Rotterdam bou di e studiantenan.