Page 13 - MIN ON 8 DEC 2015
P. 13
14 AWEMainta Diamars, 08 December 2015
Minister Otmar Oduber na EPI Hospitalidad y Turismo MINISTER OTMAR Oduber diabierna anochi na EPI
Nos hobennan cu ta Hospitalidad y Turismo despues di a haya e recorido pa wak e
lanta awe t’esnan cu diferente adkisicionnan cu nan a haya caba danki n’e sosten di
mañan tin cu carga nos 500 mil florin haya for di ATA, a comenta con a yega n’e decision
industria di turismo di realiza e donacion aki.El a bisa cu hopi biaha ta inverti hopi den
recursonan di mercadeo den nos industria turistico pa percura
pa turistanan bin Aruba, pero e pensamento y ideanan na ATA a
cuminsa focus riba con ta sigura cu na Aruba mes tambe ta duna
e mihor servicio n’esnan cu ta bin di afo y pa nos hobennan por
brinda e calidad desea di servicio na nos bishitantenan.
Di biaha e pensamento a nace pa bay n’e raiz di loke Minister
Oduber ta bisa t’e exito di Aruba cu t’e capital humano, nos
hendenan. “Nos hobennan cu ta lanta awe t’esnan cu mañan tin
cu carga e industria asina importante manera industria di turismo.
Mi mes a haya e oportunidad y awe mi ta para caminda cu mi ta y
hopi di esnan cu a dedica na nos e tempo ey ainda tey dedicando
n’e nos hobennan”.
El a probecha e ocasion pa recorda sr. Tony Green kende a fayece
siman pasa y cu tempo cu Minister Oduber a bay Bushiri (e tempo
ey) tabata Director y a dedica masha hopi di su bida n’e industria
di turismo y e hunto cu tur otro cu ta dedica nan mes na traspasa
nan conocemento na nos hobennan t’e inspiracion pa sostene y
inverti den e ramo di enseñansa dedica na nos turismo.
E mandatario di turismo a gradici tur esnan di ATA cu tabata
envolvi y primordialmente e Hunta di Supervision di ATA cu dia
7 di augustus a bishita e scol hunto cu Minister Oduber y Minister
Hooyboer-Winklaar.
“Ma hunga echt un triki cu nan pa trece nan, pasobra unabes nan
wak kico ta pasa aki y nan realiza e importancia, mi lo a gara nan
y nan lo a haci esaki posibel pa EPI y pa nos futuro generacion”,
Minister Otmar Oduber a duna di conoce.
Tambe e mandatario a bisa cu esaki no lo por tabata posibel
tampoco sin su colega Michelle Hooyboer-Winklaar cu hopi biaha
ta bataya den Conseho di Minister cu su curazon pa enseñansa y
ta mustra riba e importancia di inverti den entre otro EPI.
Minister Oduber a gradici su colega pa permiti yude y duna un
man den e proceso aki. Finalizando Minister Oduber a gradici
Irayka Yanez, kende a contribui cu henter e proceso aki pa pone e
prome steenchi di hopi steenchi mas cu lo pone pa construi e EPI
nobo pa nos hobennan.
