Page 21 - ARUBA BANK

Dialuna, 18 November 2019 AWEMainta 25

Polis ta pidi coperacion pa haya

muhe cu a mata homber na Campo

WILLEMSTAD. Relaciona cu un caso di
tiramento cu a tuma luga dia 6 di november

ultimo pafo di e centro di diberticion Campo

Alegre Resort, polis ta haci un apelacion na
comunidad pa yuda cu informacion cu por

contribui na solucion di e caso.
Riba e dia en cuestion, un dama a yega den

un auto blanco na e centro aki y a baha

for di e vehiculo despues cu esaki a wordo
staciona riba e luga di staciona auto.

E sospechoso femenino a cana bay den di-
reccion di entrada di e centro y algun me-

ter prome cu e entrada principal, a saca

un arma di candela cu e tabatin den su
poder y los algun tiro dirigi riba un per-

sonal di seguridad.

Tiro for di e arma aki a alcansa e victima,
cu consecuencia cu el a fayese na e sitio.

Despues di su acto, e sospechoso a core

bay bek den direccion di e auto den cua el
a yega na e sitio.

Cualkier persona cu por reconoce e dama
riba e grabacion of potret aki of tin mas

informacion di e caso aki, sea asina bon

di tuma contacto cu polis na e numbernan
917 (24 ora pa dia) of 108, si bo ta desea di

keda anonimo.