Page 12 - DIGICEL
P. 12
SETAR kier a agradeci tur cu a bin goza di e SETAR Christmas Village, ya cu ela trece
un tiki mas di e sentimento di fin di aña y pasco y un ambiente único diasabra cu a pasa.
E publico a goza di e bon ofertanan na SETAR Store y di henter e ambiente pafor na
unda tabatin música di Gaita, Grupo di Betico, Jeon y NBO.
Tentnan di cuminda y oliebolllen no a falta y tentnan di productonan Arubano no a falta.
Cada ora tabata saca ganadornan entre tur e publico, cu a haya un ticket na entrada pa
participa y gana durante e anochi. Hopi ta esnan cu a bin pa haya informacion, haci nan
compra of djies pasa un rato agradabel cu famia.
Ainda e campañanan di SETAR ta andando te cu fin di december, 2017 y por logra haya
un variedad di telefonnan nobo, devices y otro artefactonan trendy pa haci regalo. Tambe
tin e campaña pa comparti bo momentonan di alegría cu chens di gana premionan hopi
atractivo y cu cada compra por pone un deseo den e Palo di Deseo na nos Teleshopnan y
participa pa gana un soño bira realidad e fin di aña aki.
