Page 36 - FUNDASHON LOTTO PA DEPORTE

Josefina Mercelina Thode, di 55 aña, ta un señora conoci den Dakota, como Uba. Tur

hende conoc’e den e vecindario aki. E ta biba den Cadushistraat, percela nr. 3. Uba ta

biba den un camber, cu por bisa cu pa 10 aña e no a sali. E tin su motibonan tambe. Pero

pronto, e lo ta riba caya, manera nos tur, ta move tur dia.

Rene Wild ta un persona cu ta biba pa come y biba saludabel. E ta un estimulo pa Uba
por baha peso y bira un hende normal manera nos, moviendo riba caya.

E paso cu el a tuma pa yuda un persona cu tin mester di yudansa ta grandi. El a splica cu

e ta un esfuerso di un team, cu ta consisti di dr. Thuis, Rudy Carti, Marilee Arends,

Julaika, kende ta e nurse di Uba, Azriah de Palm, kende ta duna les na EPB y a acerca
Wild pa duna un man. E ta un proyecto pa yuda un persona cu ta den necesidad. Den e

caso aki ta sobrepeso y pa yud’e baha peso. Pesey a join e team pa asina wak den ki

forma Wild por yud’e. Su parti ta di sosten’e y indik’e den e parti di comemento, e parti

di bishit’e ora cu por of yam’e. E sosten moral cu e tin mester.