Page 19 - MIN JUS_Neat

Local

SINDICATO SPA LO SINTA
CU MINISTER DI HUSTICIA E
SIMAN NOS DILANTI

editor POST VIEWS: 11

ORANJESTAD, Aruba

Sindicato di polis hunto cu su miembronan a reuni dilanti warda di playa pa asina conhuntamente nan
haci entrega di un carta di lista di nan malcontento con tur cos ta canando den cuerpo policial. E
grupo a marcha for di warda di playa pa bestuurskantoor pa asina haci entrega di e preocupacionnan
cu nan tin. Minister Arthur Dower tabata presente na bestuurskantoor y a baha y a combersa cu
president nobo di sindicato SPA Edgar Maduro y vice presidente di SPA, Jeanmarc Lampe, pa asina
haci un cita cu e mandatario pa por papia riba nan preocupacionnan. Tin varios puntonan cu e
polisnan ta disgusta di dje y cu nan kier mira mehoracion den cuerpo policial. Mester ta bon cla cu
esaki no tabata un manifestacion , pero un grupo di polisnan a uni y pasivamente a cana bay
bestuurskantoor pa pidi atencion di minister di Husticia pa mirando cu nan kier yega na un solucion
di e mal maneho cu ta tumando luga pa leiding di cuerpo policial. Alabes e sindicato kier pa e
comunicacion entre SPA y cuerpo policial bira miho. Minister di Husticia na su turno a tuma a
manifiesto for di man di presidente di sindicato SPA y mesora a pone un reunion cu e sindicato dia
13 di juli pa 11 or di mainta.