Page 18 - WEB

Oncologo ta recomenda homber muda

di Parkietenbos pa biba mas largo

Posted on 05/7/2018 12:38 pm AST | Updated on 05/7/2018 12:39 pm AST

ORANJESTAD – Un oncologo recientemente a recomenda tata di Famia pa muda di
Parkietenbos pa asina tin chens pa por biba mas largo. Asina e famia ta raporta pa medio
di un comunicado. E tata di famia en cuestion ta biba den hopi cercania di e dump di
Parkietenbos. Durante ultimo añanan cu e cambio di direccion di biento cada bes,
especialmente durante e temporada di horcan, e huma y gasnan venenoso di Dump pero
tambe ta sospecha e huma cu cu ta sali di WEB ta afecta varios ciudadano di e bario.

CANCER E habitante aki a contrae cancer algun aña pasa y awor e oncologo a bise cu e
tin cu muda pasobra si e sigui biba den su cas cu el construi cu hypotheek den
Parkietenbos, su salud lo empeora. Esaki segun e famia, ta un otro prueba mas cu ta duna
PAHO tur razon, esta cu e dump ta un menasa pa salud publico y cu e tin cu sera y wordo
sanea. Ultimo dos pa tres añanan e huma di WEB tambe ta yegando cu mas frecuencia
den e barionan menciona, especialmente ora cu biento cay of bira di direccion. Esaki ta
pasa mas tanto durante e lunanan di Juni pa November. Pa colmo recientemente a
verkavel varios tereno den Parkietenbos caminda cu hopi cas nobo di a ser construi.

NO TA PROME CASO

Segun informacion cu NoticiaCla a haya, ta mustra cu esaki no ta e promer caso di
Cancer cu ta manifesta su mes entre e famianan cu ta biba den e barionan menciona, tin
varios caso mas di patient di cancer, asthma y otro malesa cu mester a bandona e bario
recomenda pa docter. Segun e famia, ultimo 8 añanan e dump a ser neglisha y a crece y
bira un sero grandi di sushedad cu a bira un menasa pa salud di e pueblo y un berguensa