Page 2 - WEB

Diamars, 8 Mei 2018 AWEMainta 9

Minister Xiomara

Ruiz Maduro a

atende charla

di Asociacion di

Accountantnan

SIMAN pasa Minister mr. Xiomara Ruiz-

Maduro a asisti na e lezing di Asociacion di

Accountants di Aruba, esaki ta conclui un
serie di lecturanan cu a tuma luga na Uni-

versidad di Aruba riba e tema di maneho di

finanza publico den control y e rol cu un ac-
countant por hunga den esaki na Aruba.

Segun e mandatario nos mester inverti mas
den e capacidad local pa nos por haya e ayu-

do necesario cu e trabou cu mester wordo

haci riba e tereno di finanza publico.
Promer Minister di Aruba Señora mr. Evelyn

Wever-Croes tambe a asisti na e presentacion
cu a wordo haci pa Jenny Croes RA, Frans

van Luit AA and Ru Croes RA.

Alcohol ta pone chauffeurnan perde

DIADOMINGO, pa mas of menos 6’or y 45 di
mainta, warda di Santa Cruz a ricibi informe cu lo
tin un chauffeur burachi para den su pick up den
un bocht skerpi di Sabana Grandi. Na e sitio den e
bocht polis a mira berdad un pick up color blanco,
di e marca Toyota Hilux, cu e chauffeur drumi den
dje. E chauffeur, kende a bin resulta despues di ta T.,
tabata burachi, mirando su lenga pisa y tabata hole
alcohol, cu wowonan cora. T. a wordo hiba cas na
Rooi Bosal. Central a wordo poni na altura. Durante
cu polis tabata bezig cu T, a ripara cu na un percela
na Papilon, e tubonan di awa tabata kibra. Central
a wordo poni na altura pa asina notifica personal di
WEB.
Diadomingo, pa mas of menos 12’or y 13 di mardu-
ga, Central ta manda patruya na altura di Wema na
Ponton pa un persona burachi. Eynan ta bin topa cu
un homber cu tabata drumi abao. E homber tabata
drumi banda di su auto. Ta trata aki di un Hyundai
I-10, color di oro. Polis a purba di lanta e homber for
di soño, pero e no kier a lanta. E homber a wordo
deteni despues pa buracheria publico y cu transport-
wagen a hib’e warda di Playa, unda cu a present’e
dilanti di fiscal auxiliar.