Page 64 - KPA

a13
riba caya Dialuna 13 november 2017
Curpa sin bida haya ta drif na Boca Mahos

ORANJESTAD - Diadomingo durante
oranan di mainta testigonan a bati pa un
curpa sin bida cu tabata drif den lama
na Boca Mahos. Na yega di e polis nan
a kere cu ta trata di un curpa na canto di
lama, pero esaki no tabata asina.

E curpa tabata mas o menos 30 pa 40 meter
leu di tera y aki ta unda boto di warda nos cos-
ta hunto cu di polis maritimo a asisti pa asina
saca e curpa for di awe.

Na waf famia a confirma cu e curpa sin bida
ta di Mareline Vrolijk, naci na Merca dia 5 di
september 1959.

Den oranan di mainta famia a pone anuncio
riba media social cu e señora a sali for di cas
6or di mainta den area di Ayo, y nan no tabata
sa di su paradero mas. Esaki probablemente ta
indicacion cu e señora por a benta su curpa
den lama pa pone fin na su bida.

Homber ta maltrata dama pafo di Night Club

NOORD - Diadomingo durante oranan di marduga
polis a presenta na Eclipse Night Club situa na Noord
pa un homber cu tabata maltratando un dama.

Na e sitio polis a papia cu personanan di e bar y nan a declara
na polis cu e pareha a caba di bandona e sitio despues cu nan
a bringa. Polis a haya nan ata cerca e club. Despues di un rato
polis a topa cu e pareha den auto y a papia cu e pareha pa asina
wak kico ta nan problema.
Auto ta dal motociclista y bandona sitio

SOLITO - Diadomingo den oranan di marduga polis a
presenta riba caminda di Solito, na unda un auto a dal
un persona riba brommer y bandona e sitio. Na e sitio
e oficialnan a papia cu e victima un homber. E homber
a declara na polis cu un Hyundai Accent a dal su tras y
pasa banda di dje wak pa despues bay direccion nort.

Polis a bay busca e auto y topa cu e V-2402 Hyundai Accent
staciona dilanti un apartamento, nan a bay over na confisca e
auto.