Page 7 - Gajah Numpak Ambulans
P. 7
“Ora usah bingung Beki, aku isih duwe ramuwan sing
saperangan wis daksimpen ana ing jambuku sing werna ijo.
Ramuwan kuwi jenenge protokol kesehatan. Dadi kowe Beki,
lan mengko bisa dicakake trumrap kabeh warga alas lan kali.
Sarana kanggo nyegah nulare corona iki ya mung sarana
ngecakake protokol kesehatan kayata, nganggo masker, kudu
sregep wisuh nganggo sabun lan banyu sing mili utawa nganggo
handsanitizer, lan sing ora kalah penting kudu njaga jarak
antarane siji lan sijine. Ora malah seneng nggrumbul-nggrumbul
kaya kowe Beki. Yen ana panganan ya aja banjur mlumpuk dadi
siji nganti tumpuk-tumpukan. Iku ora prayoga. Kudu ana watese
watara sak meter, ben aman.” Bekicot mung bisa manthuk-
manthuk karo nutupi tutuke nganggo godhong suket teki.
Balik maneh ana nasibe Gajah. Wis watara 14 dina Gajah
nglakoni isolasi mandiri ana ing isor wit randhu. Dina ping
limalas Gajah kudu digawa menyang rumah sakit sing ana ing
Gembira Loka. Amerga awake sing gedhe lan bobote saya
mundhak ya mung merga mongan-mangan nalikane diisolasi,
Gajah kudu numpak ambulans sing digeret karo kewan-kewan
alas. Kabeh padha gotong royong tulung-tinulung nggawa Gajah
menyang Gembira Loka saperlu tes swab. Para kewan ya padha
gawa KTPne dhewe-dhewe saperlu ndhaptar vaksin ana kana.
6
