Page 12 - KIRTYA BASA 8 teks layang pribadhi_Neat

Kegiatan 3 : Nulis Teks Layang Kiriman Kanthi Mandhiri

Ing kegiatan iki para siswa kanthi mandhiri nulis layang kiriman kang
ditujokake marang sanak sedulure sing ana ing njaba kutha. Nalika nulis layang
kudu digatekake wewaton panulisan layang sing wis diandharake ing piwulangan
sadurunge. Upamane pamilihe tembung, unggah-ungguh basa lan liya-liyane.

Tugas 1 : Nulis Layang Pribadi
Kanggo nggampangake anggonmu nggarap tugas 1, coba gatekna prentah ing
ngisor iki!
1. Layang ditulis kanggo bapak lan ibumu ing desa.
2. Wose layang, awakmu aweh kabar menawa sasi ngarep wis wayahe mbayar
sekolah. Awakmu njaluk kiriman dhuwit.
3. Tanggal, panggonan, jeneng dijumbuhake karo papan dunungmu saiki.

Tugas 2 : Maca Teks Layang Pribadi

Sawise rampung anggonmu nulis, layang sing wis rampung koktulis mau
wacanen ing ngarepe guru lan kanca-kancamu!

102 KirtyaBasa VIII