Page 2 - C:\Users\Admin\Documents\Flip PDF Professional\KIRTYA BASA 8 teks layang pribadhi\
P. 2
Mbabar Wawasan
Coba semaken tuladha layang ing ngisor iki!
Sidoarjo, 20 Oktober 2015
Katur dhumateng
Eyang Prawirodimeja
Wonten ing Madiun.
Nuwun,
Kanthi serat punika keng wayah ngaturaken sembah sungkem
dhumateng ngarsanipun Eyang sekaliyan wonten ing Madiun. Boten kesupen
keng wayah ugi ngaturaken kabar bilih keng wayah wonten ing Sidoarjo
tansah ginanjar wilujeng, nir ing sambekala pikantuk berkahing Gusti Kang
Maha Asih. Mugi-mugi Eyang sekaliyan saha sedaya keluarga wonten ing
Madiun makatena ugi, Amin.
Kajawi saking punika keng wayah atur kabar bilih sapunika keng
wayah kanthi pandonganipun Eyang kekalih sampun kasil minggah kelas 8
SMP wonten ing Sidoarjo. Sakedhap malih ”pembelajaran” semester ganjil
ndungkap purna. Keng wayah nyuwun pandonganipun Eyang kekalih, mugi-
mugi rapor kula samangke pikantuk biji ingkang sae.
Eyang Kakung saha Eyang Putri ingkang kula pundi, ngendikanipun
Bapak saha Ibu, kula mangke manawi biji rapor kula sae kepareng sowan
dhateng Madiun kanthi ngginakaken kreta ”Sancaka” jurusan Surabaya –
Ngayogjakarta. Wekdal kula liburan udakara wulan Desember tanggal 24
ngantos minggu sepindhah ing wulan Januari, mugi Eyang kekalih saged
nampi keng wayah kanthi renaning penggalih.
Kula kinten cekap semanten atur kula, mbokbilih wonten keladuking
atur saha kirang duga, keng wayah nyuwun agunging samodra pangaksami.
Nuwun.
Keng Wayah
Nanang Wijaya
Sawise koksemak, wangsulana pitakon-pitakon ing ngisor iki!
1. Apa wae jinis layang sing kokngerteni?
2. Layang ing dhuwur kalebu jinis layang apa?
3. Apa isine layang kasebut?
4. Layang apa sing tau koktulis? Marang sapa?
5. Apa isine layang sing tau koktulis?
92 KirtyaBasa VIII
