Page 6 - MODUL BASA JAWA VIII - TEKS CERKAK
P. 6
takuncali esemku, nik onok sing manthuk ya takbales manthuk luwih manteb. Amit sewu ya, nik
oleh blaka, aku iki termasuk wong sing blater ter-ter! Gak sombong, gak merga aku profesor
terus moh nyapa wong cilik, gak Rek! Seje aku!
Koyok pas dina iku, arek nom-nom gentenan nyapa aku pas liwat nang sisihku. Onok
sing: “Permisi Prof!”, onok uga sing nyapa: “selamat siang, Bapak Profesor!”, tambah sing keri
dhewe aku disapa arek karo mundhuk-mundhuk ndhiluk, mbungkuk, mesem karo tangan
tengene koyok kate nggarisi jogane bis, ngene: “Nyuwun sewu lo, Prof!” nggarakna nggliyeng
aku kegedhen sirah merga kebombong, tapine aku ya bingung, jane sapa ae arek-arek iku?
Mosok mahasiswaku? Kok gak apal aku? Mosok mahasiswa perguruan tinggi liyane? mosok aku
terkenale koyok ngono? Apa pemudha potus sekolah sing takteliti nang Trenggalek iku ya? Lak
melok kejar paket C? Ah iya paling? Tapi kok nang Malang? Nik gak ngono ya mahasiswa
jurusan liya tapi ngamen gae tambahan sangu.
Durung mari aku nggenah-nggenahna pikir, mak nyat! Aku eling nik dorung mbalesi
panyapane arek-arek iku mau. La wong aku profesor, i? Lak ya gak pantes tah, nek gak isok
nyenengna atine wong sing niyat apik, nyapa mesem, manthuk? Lak ya gak sopan, tah? Ya kudu
isok dadi tepa tuladha paripolahe wong orip bareng wong akeh, nek mati cik gak nang kuburan
dhewe, lak ya ngono, tah? ah! Gusti Allah! Saestu kula matur nuwun dene napa Paduka sampun
maringi kanugrahan ageng kangge kula ing atase kula anake tiyang alit mawon, kok nggih saged
dados tiyang kinurmat, nembe umur seket taun. Masiya sara kados napa Gusti, urip kula jaman
rumiyin, kula mboten ngarah isin, mboten iri kalih anake tiyang sugih-sugih niku, kula tambah
mongkog tuwuk urip sara, nggih urip kula biyen niku sing ndadekaken kula kados ngeten niki,
lak nggih, a? Nggih mugi-mugi mawon lare-lare sing semliwer teng njero bis ngrebut panguripan
niki ugi saged nggayuh kamulyane mbesuk...
“syukuri apa yang ada, hidup adalah anugerah. Tetap jalani hidup ini, melakukan yang
terbaik...” arek loro sing takkira arek kejar paket C Trenggalek iku nyanyi bareng, ngamen nang
njero bis. Sing kaosan biru karo gitaran, nik sing kaosan kaosan ireng karo nggawa ecrek-ecrek.
Lothung, masiya aku gak patek apal cakepane tapi aku rodok apal cengkoke, ketambahan
hayatane arek-arek iku nggarahi aku katut nganyut-anyut, atiku nglangut, dhadhaku kerasa
gemeter, sirahku ya merem-merem ngantek lagune ganti, “Bunda” gatra pungkasan, “.... yang
selalu ada di dalam hatiku ....” walah! Luhku sampek ndredes nelesi dhasiku.
