Page 26 - TANTRI BASA KELAS 6-min1gresik.sch.id

UJI KOMPETENSI

SEMESTER 1

A. Pilihen jawaban sing paling bener!

Wacan ing ngisor iki wacanen kanggo mangsuli
pitakon no 1 nganti 5!
UWUH

Uwuh utawa sampah tambah dina ora suda nanging
tansaya tambah nganti matikel-tikel. Kahanan mau bisa
didelok ana sakiwa-tengene awake dhewe. Uwuh mumbruk
ing ngendi-endi nyepeti mripat ambune nduleg irung, amis
campur basin. Uwuh plastik pating kleler ing sadhengah
papan. Bisa dibayangake piye kahanan bumi iki mbesuke,
yen uwuh ora dikelola kanthi becik.
Kudu ana kesadaran saka awake dhewe kanggo
miwiti, saka tumindak sing paling sepele lan gampang
dilakoni yaiku buwang uwuh ana panggonane. Yen nganti
ora sumadya panggonan kanggo mbuwang uwuh ing sakiwa
tengenmu, gawanen dhisik uwuh mau nganti nemokake
panggonan mbuwang uwuh sing samesthine. Diajab ana

kesadharan pribadi-pribadi kanggo mbuwang uwuh kanthi
bener. Iku bakal bisa nulari wong-wong ing sakiwa-tengene
pribadi-pribadi mau.

1. Teks ing dhuwur manut jinise kalebu teks ….
A. teks pawarta
B. teks persuasi
C. teks sesanti
D. teks pariwara
2. Ukara ing ngisor iki mujudake ukara inti saka paragrap 1
yaiku ….
A. Uwuh mumbruk ing sadhengah papan.
B. Uwuh ora dikelola kanthi becik.
C. Uwuh plastik kleler ing sadhengah papan.
D. Uwuh ambune amis campur basin.

kaca 59 Tantri Basa kelas 6