Page 2 - Tantri Basa Jawa Kelas 6 (Bab 1)
P. 2
Mbabar Wawasan
Merga wis kelas VI, mula Rini sakancane kudu luwih sregep
sinau, kanggo ngadhepi ujian akhir sekolah. Saiki, Rini lagi sinau
pelajaran IPA ngenani ekosistem. Rini eling pangandikane Ibu Guru
mau esuk. Bu Guru ngendika yen salah sijine ekosistem rusak,
lingkungane ya rusak. Yen nganti lingkungane rusak sing rugi
kabeh makhluk sing urip ing sajrone lingkungan mau, utamane
manungsa.
Lingkungan rusak tuladhane, yaiku alas sing rusak amarga
kobong utawa ditegori wit-witane kanthi sembarangan. Alas dadi
gundhul, yen udan ora bisa nyimpen banyu udan. Banyu udan
bablas mili, nggerus lemah, ndadekake longsor lan banjir
bandhang. Longsoran lemah lan banjir bandhang ndadekake
bencana tumrap manungsa. Omah, dalan, sawah, tegal lan
sapanunggalane dadi rusak. Bisa uga nuwuhake korban jiwa.
Indonesia negara kang endah. Kaendahane alam Indonesia
kondhang sadonya. Akeh wong manca sing kasengsem karo
kaendahane alam Indonesia. Maneka warna tanduran lan kewan,
mung mligi ana ing Indonesia. Mula wis dadi kewajibane kabeh
wong Indonesia njaga lestarine alam. Rini saiki paham banget
ngenani wigatine njaga lestarine alam Indonesia. Ing ngisor iki
gambar ngenani sawijining kahanan alam.
Gambar ing ngisor iki setitekna!
1. 2.
Tantri Basa kelas 6 kaca 2
