Page 18 - UVA- MR DONACIMENTO

Prome Minister

orguyoso di e tesis di

Ryçond do Nascimento

Published on February 20, 2017 in Politica
Prome Minister Mike Eman diahuebs anochi a expresa di ta sinti su mes hopi orguyoso
cu un tesis di doctor ta wordo defende na Aruba. Esaki el a bisa despues di a presencia
pa su mes e defensa cu Ryçond do Nascimento a haci pa su tesis titula “Het Koninkrijk
ontsluierd”.

“Mi ta sinti un orguyo grandi ora cu un yiu di tera promove y scoge pa hacie na
Universidad di Aruba. Esaki ta e prome doctor cu ta defende su tesis na Universidad di
Aruba,” Eman, visiblemente satisfecho a expresa.

Na mesun momento a bini den mente di e mandatario co-fundado di Universidad di
Aruba, dr. Mito Croes (dfm), kende, si tabata na bida, tambe lo a sinti un orguyo grandi
pa mira cu Aruba ta crea su mesun profesionalnan gradua cu e titulo di doctor. Eman
no por a lubida su amigo y consehero mr. drs. Piet Pronk (dfm), kende semper a sinti
un orguyo grandi di Aruba su Universidad.

E tesis, ‘Het Koninkrijk ontsluierd’, tin un relevancia grandi riba e discusionnan cu
tabatin y tin den Reino segun Prome Minister Eman. “Tin biaha ora cu e discusionnan
aki ta wordo hiba na nivel politico, nan ta haya un tono emocional y no semper ta keda
hopi cla pa e ciudadano di cuanto rason Aruba tin. Awe nochi por a scucha e
presentacion y tesis di Ryçond, unda cu e ta bisa cu un sistema constitucional, un
sistema democratico, mester ta basa riba e hecho cu e pueblo su bos ta esun cu
finalmente ta dicidi.” Den Reino a traha un Statuut, unda cu a bisa cua ta e temanan di
Reino. “Nos mes a entrega eseynan pa haci na temanan di Reino, manera Defensa y
Relacionnan Exterior. Pero temanan cu nos a bisa ta temanan nacional no por wordo
haci temanan di Reino, manera por ehempel ora cu presupuesto di Aruba. Dr. do
Nacimento a splica esey hopi bon. Y tambe e forma con Gobernador a wordo nombra
ta den linea recta contra henter e sistema constitucional.”

Prome Minister Eman ta kere cu e tema importante cu e tesis aki ta bay contribui na dje
ta e discusion cu tin ta riba e hecho cu na momento cu un decision manera ariba
menciona wordo tuma, den Conseho di Reino mester tin un instancia independiente na
unda por acudi pa pone e diferencianan di opinion huridico na discusion. Esaki pa mira
si ta trata un tema di Conseho di Minister di Reino of di e pais. “Mientras cu no tin e
instancia aki ta keda haya polarisacion innecesario den Reino. Nos tur ta kere den