Page 16 - BON DIA ARUBA

16 HENDE
Diasabra 25 Maart 2017

Paseo Herencia a celebra Himno y Bandera den un forma unico

ORANJESTAD – Riba 18
di Maart, Paseo Herencia
a celebra dia Himno y
Bandera den un forma
grandi. E atardi a cuminsa
cu un bunita presentacion
di Muchanan Sabi bou
guia di Edselyn Figaroa cu
a habri e evento cantando
Aruba su Himno den
Plaza Padu.

E atardi a continua cu
un bunita presentacion
di Popcorn Dancers cu a
presenta un show cultural
conhuntamente cu nos Dama
di Cultura Gerelvienne
Vrolijk cu a demostra con
nos hendenan di antes tabata
biba y tambe a duna un show
cu ta refleha e diferente
nacionnan cu a integra na
Aruba. Durante e evento
Awe so ME Photo Booth
tambe tabata t’ey presenta y
nan tabata saca potret gratis
pa e publico presente share
medionan social.
Cuatro ganado di “Un
canto pa nos Himno y
Bandera” tambe a duna un
tremendo presentacion cual
ta, Asia Lubie, Jurian Lanoy,
Genevan Maduro y Sidney
Simoons. Loke a sorprende
e publico presente tabata
e presentacion sorpresa
di Rafael “El Pollo” Brito
hunto cu Jerino Riderstap
cu a canta un bunita version
di “Abo so” di Padu del
Caribe. E anochi a continua
cu e grupo cu semper a sa di
entretene pueblo completo
esta Rincon Boys cu a celebra
nan di 10 aniversario cu e
publico presente. A clausura
e anochi cu un bunita show
di awa riba e cantica nan
di Padu Del Caribe. Paseo
Herencia un biaha mas kier
a felicita pueblo di Aruba cu
nan Himno y Bandera.