Page 15 - MODUL 3 AKSARA SWARA

1. Ing jaman saiki, aksara Jawa wis jarang digunakake ana ing kahuripan. Banjur

kepiye caramu kanggo ngleluri aksara Jawa minangka warisan saka kabudayan
Jawa? Sebut lan jlentrehake caramu!

C. PENUTUP

1. Rangkuman
Aksara Jawa iku cacahe ana 20. Aksara kasebut diarani aksara legena utawa carakan.

Aksara legena iku tegese aksara kang durung diwenehi pasangan lan sandhangan.

Jinising sandhangan cacahe ana 4 (papat) yaiku sandhangan swara, sandhangan

panyigeging wanda, sandhangan wyanjana, lan sandhangan pangku/pangkon.
Sandhangan swara kaperang saka 5 yaiku wulu, suku, pepet, taling lan taling tarung.

Dene sandhangan panyigenging wanda kaperang saka wignyan, cecak, lan layar.

Sandhangan wyanjana ana telu yaiku cakra, keret, lan pengkal. Aksara swara yaiku

aksara kang gunane kanggo nulis tembung manca kang diwiwiti nganggo swara vokal
/a/, /i/, /u/, /e/, /o/ kanggo negesi pocapane. Aksara angka cacahe ana 10, anggone

nulis diapit tandha pangkat. Aksara murda gunane kanggo pakurmatan utawa

ngurmati. Sing lumrah aksara murda kanggo nulis jeneng wong lan jeneng liyane,

kalebu pangkat lan kalungguhan. Aksara rekan gunane kanggo nulis tembung kang
asale saka manca.

2. Tes Formatif

1. Aksara legena ngemu teges…
a. aksara kang bisa diwenehi pasangan lan sandhangan.

b. aksara kang durung diwenehi pasangan lan sandhangan.

c. aksara kang ora bisa didadekake pasangan.
d. aksara kang ora entuk nganggo sandhangan.

e. aksara kang cacahe ana 20.

2. Aksara kang gunane kanggo nulis tembung kang asale saka manca yaiku…

a. aksara swara.
b. aksara murda.

c. aksara rekan.

d. aksara angka.
e. aksara carakan.

12