Page 4 - MODUL 3 AKSARA SWARA

MATERI AJAR

NGLELURI AKSARA JAWA

A. PENDAHULUAN

A. Deskripsi singkat
Aksara Jawa minangka salah sawijining warisan kabudayan kang wajib

dijaga lan dileluri. Mula pasinaon bab aksara Jawa kudu ana ing pawiyatan. Bab iki

selaras karo keputusan pamarentah kang ndadekake Basa Jawa minangka

pasinaon wajib kanggo siswa tataran SMA/MA/SMK wiwit taun 2006. Nalika Basa
Jawa disinauni ing pawiyatan para siswa dikarepake bisa uga sinau tindak-tanduk,

sesrawungan, maca, micara lan nulis kang ing wektu iki wigati banget.

Salah sawijining materi pasinaon kang wigati diandharake yaiku materi

maca lan nulis aksara Jawa. Pasinaon aksara Jawa ing pawiyatan kalebu pasinaon
sing angel, amarga akeh siswa kang durung bisa apal pasangan, sandhangan,

aksara swara, aksara angka, aksara murda lan aksara rekan. Bab kuwi adhedhasar

para siswa namung nulis lan maca aksara Jawa ing pawiyatan. Saengga aksara Jawa
jarang diterapake ing kahuripan. Padahal, para siswa kudu paham lan ngerti kepiya

anggone nulis lan maca aksara Jawa kang bener. Mula bahan ajar iki kasusun

kanthi pangajab supaya bisa dadi salah sawijining sumber sinau kanggo para

siswa. Bahan ajar iki nyinaoni bab carakan, sandhangan, aksara swara, aksara

angka, aksara murda, lan aksara rekan. Urut-urutane pasinaon ing bahan ajar iki
saka carakan utawa aksara legena kang cacahe 20 (rong puluh) uga pasangane

kang cacahe 20 (rong puluh), banjur ana sandhangan kang kaperang dadi 4, yaiku

sandhangan swara, sandhangan panyigeging wanda, sandhangan wyanjana, lan
sandhangan pangkon, dilanjutake aksara swara, aksara angka, aksara murda, lan

aksara rekan. Saben pasinaon ing bahan ajar iki ana tuladha lan gladhene.

Saengga, para siswa bisa langsung gladhi anggone maca lan nulis aksara Jawa.

Sawise materi, ana gladhen, ringkesan lan tes formatif.

1