Page 9 - WM Vol.18.cdr

#CERKAK

aidi karo Paijo bengi-bengi peteng dedet nyolong jeruk neng kebon duweke pak lurah.
Ijek oleh setengah karung, ono asu njenggong, wong 2 langsung mlayu ngeciprit wedi
Pselak konangan. Tekan ngarep Gerbang Kuburan angker, jeruke tibo ngglundung loro.
Tapi ditinggal mergo kesusu selak arep cepet ndelik neng mburi bandoso, timbang konangan.
Diangen-angen wis aman, Paidi lan Paijo njur bagi hasil....
"Aku siji.... kowe siji....
aku siji.. kowe siji..
aku siji.. kowe siji...."
Ngono terus nganti ora sadar lek ono wong liwat, yoiku Si Kasdi sing ketepakan tas muleh
ndilok wayang kulit nang bale deso.
Saking kagete KASDI krungu sworo aneh teko njero kuburan angker......
"Aku siji.. kowe siji.. aku siji.. kowe siji......."
Kasdi langsung mrinding lan keweden setengah mati... Sak Naliko mlayu sipat kuping marani
omahe mbah JOLO (sesepuh ahli perdemitan ning ndeso) karo ngos-ngosan pucet ndeprok
dengkule meh protol, banjur KASDI crito perkoro suara neng kuburan angker mau.

Mbah JOLO penasaran,
Njur langsung ngajak KASDI ngindik neng ngarep Gerbang Kuburan karo ita-itu. Ora wedi
blaaas!!! Tekan ngarep Kuburan, KASDI ora wani mlebu. Sikile keder karo ndeprok gocekan
sarunge mbah JOLO mergo asking kewedene sik panggah krungu sworo
"Aku siji.. kowe siji.. aku siji.. kowe siji..."

KASDI : " mbah, niku nopo sworo malaikat itung2an nyowo menungso sing sampun dicabut
ajeng dilaporke dumateng gusti sing moho kuwoso geh?"
Takon KASDI bisik-bisik gemeter keweden....
Mbah JOLO : "Mbuuh aku dewe ora paham Di"
jawabe mbah JOLO karo ngempet ambekan.....

Ora suwe ono sworo maneh teko njero kuburan..
"Iki wis rampung kabeh, saiki kari loro neng ngarep Gerbang Kuburan kae,
Sopo sing njupuk?
Kowe opo aku??"

Mbah JOLO lan KASDI kaget setengah mati. :
" Waahhh.....blaennn...konangan iki...!!!!!!! "
Njenggirat kaget Mbah JOLO saknaliko mlumpat kalen mlayu
keponthal-ponthal, tibo tangi nganti ra kroso sandale pedot.....sarunge mlorot....... "
Mbaahhh....tunggu mbahh.. entenonooo ......KASDI bengok2 mergo Di tinggal.........

WARTA MUHIKA | VOL 18. JANUARI 2023 6