Page 25 - NEWSPAPER MEDIA MONITORING DECEMBER 8TH, 2018

Diasabra, 8 December 2018 AWEMainta 11

Amigonan di Archivo ta haya cu

Boy Ecury, nos Heroe Nacional merece mas reconocimento

TABATA e siman aki cu na Plaza Boy Ecury tabatin un ceremonia,

unda a presenta un proyecto dedica na rescata memoria di e Heroe
Nacional, e Arubiano Boy Ecury. E proyecto aki ta un inicitiva di Ami-

gonan di Archivo Nacional (ADA) y a ser coordina pa Daniela Brett.

Tabata como 2 aña pasa cu ADA a keda aserca pa realisa e proyecto pa

duna mas reconocimento na Boy Ecury pa den cuadro di Aña di Resis-

tencia, conmemora esnan cu a sirbi den di Dos Guera Mundial.
Resultado di e proyecto aki a keda presenta na un grupo selecta entre

nan Gobernador interino, sra. Yvonne Lacle-Dirksz y tambe na Minis-

ter Xiomara Ruiz Maduro.

Director di Archivo Nacional, drs. Raymond Hernandez a expresa su
satisfaccion di por a recibi e proyecto final di Boy Ecury, unda nos He-

roe Nacional a ser poni riba un pedestal mas halto. Ta despues di como

75 aña cu Boy Ecury a ser mata na Hulanda, ta cumpli cu un proyecto
asina importante, cu por sirbi tambe pa educacion di nos muchanan.

Drs. Raymond Hernandez a gradici Daniel Brett y tambe Shanaya
Geerman pa realisa e proyecto aki. Tambe el a gradici ADA y financiad-

ornan di e proyecto cu ta Hulanda y Aruba.

Na final a keda presenta un video, di un pelicula cu a ser rescata na

Hulanda, cu awor ta forma parti di material di ANA. E video aki a mus-

tra con Boy Ecury cu un grupo di hoben, compartiendo un celebracion
di Cena di Pasco. Mester duna reconocimento n’e artista, John Freddy

Montoya, kende a personafica Boy Ecury durante e anochi aki.

Di e forma aki, ANA y ADA ta mantene bida di Boy Ecury bibo, cu
pueblo hamas mag lubida.