Page 23 - NEWSPAPER MEDIA MONITORING JANUARY 11TH, 2019

4 AWEMainta
E partido mas grandi di Hulanda kier saca islanan for di cura di Reino
PHILIPSBURG. Durante e di dos dia di e reunion bi-
anual di parlamentonan di Hulanda y paisnan Autono-
mo den Reino na Sint Maarten, e miembro di VVD
cu te partido mas grandi di Hulanda, a purba pasa un
fastball pa habri porta di cura pa nos islanan sali for di
Reino.
E miembro di VVD, cu te partido di premier Rutte, cu
cara seco a scucha con presidente di e reunion parla-
mentario a torpedia su intento pa somete e punto na
discusion. Despues di forma insulto y despues cu presi-
dente a cera e reunion caba, ela haci un apelacion riba
e participantenan di Aruba, Sint Maarten y Corsou
pa nan bin su camber di hotel ayera mainta 9’or pa e
duna nan un splicacion di su intencion.
Depende di ki banda mira su intento, e tabata un co-
nenchi experimental of un Cabay di Troya.
Su proposicion pa facilita e islanan autonomo pa sali
for di Reino a fracasa asina pero su intencion a keda:
ela anuncia cu manera e yega Hulanda, e ta manda e
proposicion pa parlamento Hulandes.
Foi november aña pasa André Bosman a manda un
proposicion cu tabata redacta tur detaye dje plan ma-
ligno pa cambia Statut y Constitucion.
Diabierna, 11 Januari 2019
Su proposicion ta pa cambia regla parlamentario di tal
manera cu un mayoria simpel por dicidi pa plama Reino
for di otro y corta e lasonan entre e cuater partinan.
E regla actual ta cu un proposicion asina pa Corsou sali
for di Reino mester haya un mayoria califica di por lo
menos 2/3 parti di mayoria y pueblo tambe tin cu vota
den Referendum pa bira independiente.
E kier kita posibilidad di Referendum tambe pero e no
tin apoyo pe proposicion aki.
Ademas, ni Rutte no a expresa su apoyo y e intencion
aki ta un iniciativa personal di Bosman.
Politiconan di Corsou y tambe e otro islanan ta con-
sidera su insistencia como provocacion y ripiticion di su
iniciativa pa dificulta pa Antianonan establece na Hu-
landa.
Su argumento pe ultimo aki no t’asina askeroso pasobra
tempo cu a introduci e trabanan pa Hulandes-Europeo
establece riba nos islanan, ta tempo despues di guera cu
tabatin hopi Hulandes profesional den nos pais cu ta-
bata stroba adelanto di profesionalnan yiu di tera.
Pero despues cu tanto yiu di tera a bay Hulanda retorna
cu titulo academico no por a uza e argumento aki mas.