Page 49 - Nji jete ne mes kosoves

46
Nga ky fshat është edhe veprimtari për çeshtjen e Kosovës dhe biznesmeni shumë i suksesshëm në SHBA, Harry Bajraktari, i cili pas përfundimit të luftës ka ndihmuar fshatin e tij dhe ka investuar shumë edhe në ekonominë e Kosovës. Po, kështu, nga Vranoci është edhe Florin Krasniqi, biznismen dhe veprimtar në SHBA, i cili, po ashtu, ka bërë investime në Kosovë.
Njeriu që ishte i lidhur aq shumë e aq fuqishëm me këtë fshat, ka qenë edhe Metë Bajraktari, i cili me punë në SHBA ka ndihmuar zhvillimin, përparimin dhe modernizimin e tij. Se jetën e lidhi ngusht me këtë vend të Dukagjinit, flet shtëpia e bukur që e ngriti në një kohë tepër të rëndë politike të ekspansionizmit serb në Kosovë, e cila, njëherësh, simbolizon edhe qëndresën e vazhdueshme të shqiptarëve në trojet e veta.