Page 110 - Kelas XII.indb

Palajahan 1 Babad

Pidabdab 1 Ngwangun Pangresep

Babad sampun kakawitin sawatara abad ka-16 . Yéning kekapikayunin masané mangkin
pinaka masa sané nglanturang masa sané nguni, sapatutnyané prasida karesepang lan kalimbakang
antuk mratyaksayang kawit sejarahnyané. Istilah Babad punika nglimbak ring makudang-kudang
daérah, mekadi : Jawa, Madura, Bali, lan Lombok. Ring paplajahan puniki jagi kabaosang indik
sané mawasta Babad. Pinaka pangwangun pangresep alit-alité indayang uratiang pitakéné ring sor
punik!

1. Sira sané naeninmirengang indik Babad?
2. Babad napi sané naenin kapireng?
3. Indik napi sané kabaos Babad?

Pidabdab 2 Ngwacén Babad

http://www.lookingattheleft.com/wp-content/uploads/2008/11/_mg_7257.jpg
Dalem Balingkang

Kacrita duk riin ring jagat Bali, madeg prabu utama maparab Sang Prabu Jaya Pangus. Pu-
rinida magenah ring Panarajon. Ida Sang Prabu wicaksana pisan ngénter jagat. Daweg punika
wénten jatma cina sareng oka istri asiki maparab Kang Cing Wi. Tetujoné rauh mriki pacang
madolan. Santukan jegég né Kang Cing Wi mawinan Ida Sang Prabu lulut asih. Raris bagawantan
ida matur paungu,”Inggih ratu sang prabu murdan jagat, titiang nglungsur ring angan i ratu sam-
punang marabi sareng Kang Cing Wi, santukan drestané driki ten matutang. Saking nguni nénten
matutang ngambil rabi cina. Élingang pisan indiké punika Ratu”. Ida Sang Prabu raris gelis
manyawis,”Inggih Ratu Bagawanta sané mautama, yan indik drestané jagi baosang, drestan jagat
Bali kabaos méweh pisan, ketah kabaos ngawinang kadat pamargi. Inggih, cutet mangkin Kang
Cing Wi ambil titiang anggén rabi “. Ida Bagawanta raris digelis nyawis. Yan Ratu purun murug
drestan jagat, janten bayané panggih Ratu, raris ida Bagawanta matilar saking puri.
Ida Sang Prabu akedik nénten ajerih, yadiastun kawastonin sapunika. Raris Ida nitah panjaké
maka sami makarya yadnya wiwaha. Gelising crita, ri sampuné ida wusan natab pawiwahan, tan
pasangkan wénten cihna sané kaon, tedun sabeh maduluran krébék kuug pamuput metu blabar
ageng raris nganyudang purinida, tur akéh panjaké ngemasin urip. Santukan puriné telas anyudang
blabar, raris ida nuju jagat Balingkang. Irika Ida nangun puri tur nabdabang panjak.

UDIANA SASTRA Widyatula 103