Page 125 - Kelas XII.indb
P. 125
PAMUPUT
Basa Bali pinaka sinalih tunggil kebudayaan sané adiluhung sané
katamiang olih para leluhure, selanturipun swadharman para yoanané mangda
nglestariang, ngwerdiang tur nglimbakang ring kauripané. Pamargi puniki patut
polih uratian saking para panglingsiré ring kulawarga, ring pakraman, miwah
saking para guru ring sekolah. Sareng sami patut mautsaha bilih-bilih para
sisya ring sekolah mangda setata nincapang kaweruhan miwah kawagedan
mangda prasida nglimbakang ajah-ajah gumanti para yoana utawi para sisia
oneng mlajahin basa, aksara lan sastra Baliné.
Buku puniki nartayang kapertama indik kawagedan mababaosan Kaping
kalih ngwigunayang basa Bali. Kaping tiga tata basa Bali. Kaping pat indik
anggah-ungguhing basa Bali. Kaping lima indik gatra Bali. Kaping nemnem
kasusastraan. Kaping pitu sesuluh sajeroning puisi. Kaping kutus nartayang
indik gancaran, Kaping sia indik widya tula, Kaping untat indik paribasa.
Malarapan Bukul Basa Bali Puniki kaptiang prasida mapakeling ring para
sisia mangda peplajahan basa Bali setata katincapang gumanti basa Baliné
setata nglimbak ring pagubugan para janane. Yan sampun basa, aksara lan
sastra Bali setata kaplajahin, kawigunayang janten basa Baliné pacang setata
ajeg.
118
