Page 25 - M-Prog_Pie_051019v1_Neat

Matchprogramm FC Büren an der Aare Samstag 05.10.2019 /Ausgabe 4-19

DIE AUTI GARDE

Das si dr Gerhard Sutter und dr Herbert Fivian. Beidi Herre vo dr aute Garde hei e bewegti
Vergangenheit i üsem Verein. Dr Gerhard, eigentlech kennt me ne nume ungerem
Psöidonüm "Simu", isch mängs Johr e grossi Stütze i dr erschte Mannschaft gsi. Schpöter
isch är bi de Seniore u Veterane nid nume wäge de fuessbauerische Fähigkeite (Chopfbau-
unghüür u cheibe längi Scheiche) gschetzt gsi, nei ou wüu um ihn ume nie trochni Ouge
hesch. .Do isch dr Hebu chlei e angere Wäg gange. Dr Fuessbau het ne nie los glo, aber
z'ersch isch fang mou dr Velosport cho u de nächhär grad no einisch. Verschiedeni Schwii-
zermeischtertitle züge vo sim Talänt. Mines Wüssens het är Juniore und schpöter die

zwöiti Mannschaft träniert. Säuber gschuttet är im Zwöi i dr vierte und füfte Liga. Si do Un-
wahrheite i z'Blettli g'chriblet worde, de seisch mir das, gäu Hebu. Es git de e Korrigenda.
Jitz isch ou är e chlei ruhiger worde u mi gseht ne wieder chlei meh uf em Lache. Aber
z'Velo i Egge schteue, schteu dir vor!

Jitz no es paar Wort zur Tätigkeit vom Simu und Hebu. We si am Donnschtig uf e Schutt-
platz eis chöme cho näh, de wird haut nid nume plagiert, de wird über Gott und die Welt
diskutiert. Bi so're Diskussion het me bi Tafele wo scho hundert Johr hange, versuecht use-
zgfinge, was ächt dört cheibs druffe schtöngi. D'Idee isch gebore gsi u die Zwe hei Gringe
zämegschtreckt. Am Donschtig wenn Träning isch, geit me uf e Lache go luege, was so
louft. Scho vo wytem hani Angscht übercho u gmeint, d'Büvette brönni. Nei, es si die Zwe
vor aute Garde, dr Simu und dr Hebu, wo Wort Tate lö lo fouge und d'Bandewärbige putze.
Mittlerwyle hei si scho a drei Donnschtige wyter Dampf abglo und ds Resultat loht sich lo
gseh.

E schöni Aktion und e Rieseapplaus wärt. Ig gloube d'Bon für 2 Hagebuttetee si ungerwägs.

25