Page 25 - M-Prog_Gru_191026v2
P. 25
Matchprogramm FC Büren an der Aare Samstag, 26.10.2019 /Ausgabe 6-19
DIE AUTI GARDE
Vor einiger Zyt hei dr Christian Lauper und der Gerhard Sutter die auti Garde uf d'Bei gschteut.
Ziu u Zwäck vo der lose Gruppe söu sy, ehemalige Mitglieder e chlei bi dr Schtange z'bhaute,
Erfahrige usztusche u schporadisch zäme e Usflug, es Ässe oder es Reisli z'organisiere. Wichtig
isch natürlich ou die früechere Zyte wieder loh ufzlläbe, "weisch no…
Mittlerwyle si paar Johr i ds Land gange und verschiedeni Aläss hei die Gmeinschaft langsam
aber schtetig lo aawachse u aui wo derby si, wette das Grüppli nümme misse.
Vo letscht isch d'Füehrig vom Duo Lauper / Sutter uf e Willy Rüttimann und dr Franz Kocher
übergange. Ihre erscht Alass isch e Koproduktion mit em Büvetteteam Lauper und em Chef-
choch Markus "Borki" Birkhofer gsi. Es het Bärnerplatte gäh. Dr Chefchoch und dr Hobbychoch
Thömu Lauper hei d'Kochcheue gschwunge u die räschtleche Mitglieder hei grüschtet u gwäsche
u d'Büvette gfüehrt. Eigentlech wär planet gsi, am Matsch gäge Evilard am Samschtig äbefaus
Bärnerplatte azbiete. Aber am Samschtig het z'Wätter nid mitgschpiut.
Vierzg Pärsone hei sich agmäudet gha und si nid enttüscht worde. Suurchrut und Dörrbohne,
Hardöpfu u sage und schreibe nüün Sorte Fleisch hets gäh. Es feins Fläschli Wy het ou nid dörfe
fähle und zum Abrunde hets es Käffeli, e Cremeschnitte und obedruf no es Grappa gäh. Bösi
Zunge bhoupte, es heig söttigi gäh, die heige nümme rächt chönne Pap säge, so uschaflig viu
heig si ine biege. Ds OK isch z'friede gsi u bereits wird unger de Mitglieder gschpanyflet, was
ächt aus nöchschts uf em Tapet schteit.
Hesch Inträsse mitzmache?
Das isch jo super, de überschunsch du die zwe Kontaktmüglechkeite:
Willy Rüttiman willy.ruettimann@bluewin.ch +41 79 642 45 05
Franz Kocher franz.kocher@alpfruits.ch +41 79 795 25 82
Weisch du no vo Lüt, wo zu dir Zyt aus Aktivi bi Büre gschuttet hei und dr Kontakt zum FCB
abbroche worde isch? Ou die Informatione näh die zwe Herre sehr gärn entgäge.
25
