Page 17 - M-Prog_Evi_191019v1
P. 17
Matchprogramm FC Büren an der Aare Sonntag, 13.10.2019 /Ausgabe 5-19
GIANLUIGI "CHA" MAFFEO – TRAINER ZWEITE MANNSCHAFT
Das Biud isch tüpisch für üse Cha, immer guet druff und immer e lockere Schpruch uf de Lippe.
Sini Imitatione vo Lüt i dr nöchere Umgäbig oder us dr Schouszene wäutwyt si bekannt und
wenn är losleit, hei gfüeuti 99.9% nächhär Ranzeweh vor Lache. Es het sogar scho Fäu gäh, wo
aschliessend zum Dokter hei müesse.
Dr Cha het aber ou e angeri Syte. Seriös aber glich mit dr nötige Priise
Humor isch är sit Mönschegedänke (genau Saison 2014/15) Trainer
vo dr zwöite Mannschaft. Das isch nid grad immer e dankbare
Tschop. E Roue schpiut sicher, wie erfougrich me uf em
Transfermarkt het chönne zueschloh. Abhängig isch är ou
vo de ehemalige Seniore/Veterane, wo ds Träning vom
Cha aus Früschzäuekur unsnütze, aber haut nümme so
motiviert si, Samschtig für Samschtig d'Fuessbauschueh
schnüere. Es paar Verwägeni hets aber de glich no.
Do isch mou dr Borki. Bösi Zunge bhoupte, är plangi
uf Damemannschaft, dass är de dört ou no chönni
go ushäufe. Ou eine wo für jedi Chauberei z'ha
isch, isch dr Pele mit bürgerlichem Name Thomas
Sutter. Är hiuft am Cha wo ner cha und isch bim
Hüehnerumetrage a vorderschter Front und
natürlich dr Sändu Imperiali, wo sit Johre bi
aune Aktivitäte vorne aschteit und bim Cha
aus Tormaschine nümme wägzdänke isch.
Mir heis aatönt, ds Zwöi hüete isch e
Sisiphusarbeit. Bruchsch eigentlech öppe
vier Assischtänte und schüstemang die
glichi Zau Telefonischtinne, dass am
Schpiutag de no Chräft uf em Bänkli
verfüegbar hesch. Mit em Renato Pereira
het är aber e gueti Seeu aus rächti Hang
gfunge. Dä Kärli muess tuusig Häng ha, dass
är aues unger ei Huet bringt. So gseh isch
die Saison so richtig guet verloufe. Nach
zwe Schtartniederlage (aues am Eis ab-
chupfere) hei sie usser Lyss (unentschiede)
aues furtputzt u si momentan Zwöit.
Wichtig für ds Tränergschpann vom Zwöi
Isch natürlich ou ds Eis, wo dr Cha
Schpiutag für Schpiutag mit Hochkaräter
fuetteret u so zum Erfoug byschtüret.
Auso Charlie, mir fröie üs uf wyteri Episode a la Cha, wünsche dir e Supersaison und wär
weiss, villech fiire mir bau mit dir und dire Egippe e Ufschtieg. Es wär dir z'gönne!
17
