Page 251 - Ljetopis Škole 2022.2023_Spread

Jedine ne znamo kulike je one ki ne paziju nase niti na druge,
to boumo popravili, ali na douge pruge!

Da smo prah i da se f prah boumo vrnouli, znamo,
sejene strah od betega i mriela sakega pritišče
i saku misel zaskoči,
luctve strahuje po danu i po noči.

Nuova normala!
Globalizacija, globalna izolacija, samoizolacija,
mikavati se muora saki od sakega,
od domačega, strajnskega, svega i tuđega.

Škuole decu vučiju z ekrana,
na daleke se študieraju nuova znajna znana i neznana.
Roditeli ne vidiju decu, jesti jim donašaju pred vrata,
mama hodi na posel s propusnicu, dome diela tata.

Zaprti su fakulteti, bertije, igrališča i štacuni,
živi se od denes do zutra, izlierani od ve do ve.
Nekteri su po cieli dan na postale maskierani,
prejk ne prejk dezinficierani, kak vubiti mikruobe specijalizierani.

Em sî znamo da te nevole niesu od ščere,
molete se Bogu i Roku svetemu
da nas čuvaju od pomora, rata i glada.
Dejte si mira, naviek je bile sakejakega jada.

Kakti za primer Egipčani su na papirus Ebers zapisali
da su prie 3000 liet ludi goubu imali,
poklam su ju Židovi prenesli h svou zemlu
tak su i h Biblije zapisali (Kr. II, 5).

Jošče piše da su goubavi ludi kak lavi glave imali
i da su je van gracke zidin hitali,
izolierali, na milost i nemilost ostavili,
a po cajtu su je pokapali.

I v Isusove vrieme je bile tak i jošče poklam tega,
v VI. vieku harala je Justinijanova kuga.
I druge betege su kuga zvali, ludi su živeli od denes do zutra,
črna kuga je v XIV. vieku ( 1340. ) pomorila milijuone ludi.

Dubrovnik je več leta 1272. leprozorij napravil van zidin grada,
poklam su lazarete delali i v grade mnuoge naške,
v Zagrebu je takov špital napravlen 1433. leta

251