Page 12 - Edición final para libro digital

Introdución e agradecementos

Como referencia para o desenrolo deste traballo baseeime en datos
acadados en diversos arquivos históricos i en obras documentais escritas;
principalmente no traballo do historiador muradán Don Ramón de Artaza
Malvárez, levado a cabo coa colaboración dos seus fillos, Ramón e Antonio,

que foron no seu tempo cronistas oficiais dos concellos de Muros e Outes
respectivamente.

Respecto a parte que se refire a historia mais recente, fago unha
exposición de datos e acontecementos detallados polos protagonistas do
momento ou as que se fai referencia en fontes informativas de de acceso

público, así como en memorias persoais e na reprodución de información
transmitida de unhas xeracións a outras ao longo dos anos.

Antes de comezar coa narración da obra quero agradecer as perso-
as que me animaron a levar adiante esta idea; a miña dona e os meus fillos
polo seu apoio, aos meus irmáns pola súa excelente crítica, que me animou

a facer público o traballo, e tamén os amigos que confiaron en todo mo-
mento na miña capacidade para sacar adiante esta labor. Desexo igualmen-
te amosar un especial agradecemento a Marcelino García Lariño, (Marcelo
da Rabela), pola súa incondicional achega a consecución deste proxecto,

achega representada tanto no seu apoio moral, como na prestación de do-
cumentación e datos que me facilitou desinteresadamente; serviume, ao
igual que Don Ramón de Artaza, como inspiración e fonte de información
para afrontar este reto, ao mesmo tempo que contribuíu, co seu exemplo, a

proporcionarme os ánimos necesarios para seguir adiante no meu propósi-
to.