Page 28 - Maia Poroaki_Final
P. 28
uMAIA Mōteatea
Maia te tipua! Maia te rawea!
Maia te kāhui o ngā ariki!
Tēnei te rākau a Wahieroa, a Rata Tēnei te rākau a Tāne-whakapiripiri Whakapipiri te tauihu o te waka
E korihi nei ki roto o Tangaroa Tangaroa-a-te-toi e, Tangaroa-a-te-meha
Kaua e taupokihia te waka a Maia
Kaua e taupokihia te Ikanui-a-Rauru
Tukuna kia korihi ki ngā ara whakakau a Paikea Whakatekateka ana mai ngā tai
He tai karangaranga, he tai whakairotanga
o te pō, o te ao
Tōkihi te waka, tōkihi te waka nei e...
Haramai ngā tai whakamana,
Haramai ngā tai whakateretere o Tukaimatangi e Ki ngā ngaru auheke i te whakawhitinga
o Matuatonga e, o Matuaiti rā
o Uenuku Whakarongo, o Parinuiterā
Mai i Hawaiki-nui, mai i Hawaiki-roa Hawaiki-pamamao, te hononga wairua o te pō e...
Mai e ngā uri o Marere-o-tonga, Te Auahi-tūroa, ko Autahi, ko Tautoru, ko Matariki e
Ko Tāwera, ko Merearihi, Tūnui-o-rangi,
Tūtarakauika ngā kaiarahi o mangopare tukituki
o Te Moana-nui-a-Kiwa
Teretere ngā peka a Tāne
Whakateretere ngā tohu ki tai kei waho
Te Ara Tauwhainga rā
Hoea te waka o Rauru-kī-tahi
Kia tangi te winiwini e, kia tangi te wanawana rā Ka manini te waka, kia teretere te waka
Tēnei te āwhiowhio o Tāwhirimātea