Page 13 - Kelompok_Kompetensi_G_Makarya_Sembrama_Wacana_Puisi_miwah_Geguritan

pU(¾ w k.

PURWAKA

Ring aab jagaté sakadi mangkin sampun karasayang pisan mabuatnyané
kawigunan basa, aksara, lan sastra sajeroning kauripan, inggih punika pinaka
sarana mabebaosan, micayang, lan mikolihang informasi indik sakatahing

kaweruhan. Basa lan sastra pinaka kunci anggén mungkah tur malajahin
sakancan kaweruhan sané kaaptiang pinaka sarana nglimbakang pikayunan

mangda madué pamineh sané sayan jimbar.
Duké riin kehanan ilmu sastra kacawisang madué genah lan pangarga
madué lintang utama. Indiké puniki kacihnayang antuk akéhnyané medal karya

sastra madaging nilai luhur sané katami kantos mangkin. Kawéntenan sastra
pinaka pahan saking budaya Bali patut ngamolihang uratian sané pateh ring ilmu
pengetahuan sané lianan. Santukan, yéning nirgamayang sakadi tamba, sastra

miwah basa punika pinaka tamba sajeroning adnyana, ring tengah panglimbak
teknologi. Akéh sané maosang wangsa sané beradab punika wantah wangsa
sané mabudaya luhur sangkaning nelebang sakancan daging sastrané, mawastu

panglimbak teknologiné prasIda dados penyangga utawi pendukung mikukuhang
jati raga lan jati wangsa mangda tan kanistayang antuk wangsa sané lianan.

Wangsa Indonesia wantah wangsa sané sugih sangkaning akéh madué
budaya daérah sané kalintang becik. Punika mawinan sampun sapatutnyané
budaya daérah punika tetep kapiara mangda sIda urip ring pikayunan para

kramané. Puniki prasIda dados tameng utawi bénténg saking panglimbak jagaté
sané sayan aor tan pawates. Panglahlah sané nénten becik saking dura negara

utawi ketah kabaos gloBalisasi prasIda katepasin.
Kaweruhan indik basa lan sastra daerah mabuat pisan kapicayang ring
sekolah, santukan potensi sané wénten ring para siswané patut katuntun ngawit

saking alit ring pendidikan formal miwah non formal. Indiké puniki kasobyahang
gumanti sekolah sané kabaos pinaka taman pendidikan prasIda ngembasang

1