Page 3 - Llandovery RFC Match Programme 2024

WELCOME
CROESO
for the latest Drovers news go to www.llandroveryrfc.co.uk
Ar Fai 11eg 2024 ym Manc yr Eglwys orlawn trechodd Llanymddyfri Clwb Rygbi Casnewydd i
sicrhau’r gamp driphlyg aruthrol o gael ein coroni’n Bencampwyr Cwpan Cymru, yn Bencampwyr
ar frig y Bwrdd Cynghrair Indigo ac yn Bencampwyr rownd ail gyfle Uwch Gynghrair Cymru!
Llwyddiant godidog, rhyfeddol ac anhygoel sy'n rhagori popeth arall yn hanes hir y Clwb!
Adeiladwyd y llwyddiant ar y sylfaen o gael yr amddiffyn
gorau yn y gynghrair yn ogystal a gwobrwyo penderfyniad
yr hyfforddwyr a’r chwaraewyr i ymosod yn ‘Steil y Porthmyn’
gan ddefnyddio’r fflêr eang a’r arddull anturus o chwarae
sydd wedi hen gael ei gysylltu’n gyfystyr ag agwedd y
Porthmyn at rygbi sydd mor ddeniadol i'w wylio.
Nid yw’n syndod bod y ddwy gêm ail gyfle olaf yn
erbyn Caerdydd a Chasnewydd a chafodd yn haeddiannol
eu chynnal yng ngartre’r Porthmyn, yn cael eu hystyried
fel dwy o’r gemau gorau i S4C eu darlledu drwy gydol y
tymor. Y ddau yn hynod gystadleuol ac yn llawn dwyster
wrth hefyd datguddio sawl seren ifanc dalentog, chwimwyth.
Ni wir wedi ein bendithio i gael Clwb arbennig iawn
mewn cymuned arbennig iawn ac wedi mwynhau sawl
profiad anhygoel o arbennig gyda'n gilydd ac hynny
oherwydd bod gennym bobl arbennig iawn drwy'r Clwb.
Hoffwn cymerid y cyfle i ddiolch yn ddiffuant i bob un
ohonoch sy’n gysylltiedig â Chlwb Rygbi Llanymddyfri
mewn unrhyw ffordd ac ar bob lefel am eich teyrngarwch
a’ch cefnogaeth barhaus.
Cyfuniad o’ch ymdrechion sydd wedi arwain at gynnydd
parhaus ein tîm 1af i’r lefel uchaf un yng nghys-
tadleuaeth newydd ‘Super Rygbi Cymru’. Bydd eich
angerdd a’ch ymrwymiad yn sicrhau y bydd ein cae 3G
newydd yn dechrau pennod gyffrous arall i rygbi yn
Llanymddyfri o fudd enfawr i’r Clwb a’r gymuned
ehangach. Gan weithio gyda Coleg Llanymddyfri ac
ysgolion lleol, gobeithio y bydd yn sbarduno dychweliad
cyflym tîm rygbi Ieuenctid ac ail dîm gyda’r cyfle enfawr
i dyfu cynrychiolaeth rygbi merched a menywod yn
Llanymddyfri, ein tref, a’i cydnabuwyd yn ddiweddar gan
URC fel 'Man geni rygbi yng Nghymru'!
Triple Champions of Wales!
Handel Davies
President, Llandovery RFC.