Page 7 - Oshikwanyama e-Book (Grade 1-4)

Elalakano ola li ashike loku mu ndungipika oshoyo

okumutwa omukumo opo a kale ha longo noudiinini. Ove

likunda yo opo ova kendabale okupopya naye nelaka
lombili opo kadidi a tambule ko epukululo lavo. Kongu-

loshi yefiku olo tuu olo, konima youvalelo Kadidi okwa

ufanwa euye koxungi polupale. Kadidi osho a ninga,

nokwa ongala nehafo shili osheshi oxungi okwali ya

pumba mo meumbo. Oxungi oya tameka neengano, opo

nee konima yeengano tate Ndjaba okwa tonga elalakano

olo le va etifa poxungi efiku olo.

Tate Ndjaba okwa tameka nee ngaha; “Kadidi mum-

wange , oilonga kai na nghulunhu. Ino kala weli dina

nowu wete kutya owumushona noku longa. Keshe
umwe oho longo shi fike peenghono doye, ndele nee

litula mo yo mwaashi to longo. Oshilonga keshe toshi

longo nomutima woye aushe no neenghono doye adishe

nande kala u wete shishona, itashi yelekwa naashi wu he

na eshi wa longa. Oshihopaenenwa , ngeenge hatu ka

teka kondungu ihatu nuka ashike lumwe ye fye otwa fika

osho pondungu yomeva, ndele nee ohatu ende onghatu

nonghatu fiyo twa fika pondungu yomeva”. Omushamane

Ndjaba osho a mana ekumaido laye ngaho.