Page 147 - Mizo Fakna Hlabu

No-146

KHAWNGAIH CHHANDAM

-V. Thangzama Key-D #

1. Hun hlimawm ber a thleng dawn ta,

Khawngaih vanga chhanchhuahte tan;

Kan Lei hun chhiar a kim dawn ta,

Khualzinte lawma kan chawlhna’n.

Kawngtluana min hruatu ber chuan,

Kawngchin a hria, kawng min hawn ang;

Ka zinhla hlui atawp hun chuan,

Khawngaih chhandam Hla ka sa ang.

Lal hmaah kei ka lan hun chuan,

Min hriat ang hian ka la hria ang;

Chhandamtu hmel ka hmuh hun chuan,

Kawngaih chhandam hla ka sa ang.

2. Kan damchhung hun hahthlak takah,

Thlipui leh sualna hrang karah;

Hlim taka kal ava harsa,

Mahse, ka hnaihzual hahdamna.

Zai la ka thla, zai kawngtluan la,

Min khawngaihtu’n min hruai zel e;

Chawimawina Ni achhuak dawn ta,

Hmachhuan Luiral kan kai dawn e.

3. Kawngtawp alang thei ri-riai e,

Hla mahse min hruaitu ka hria;

Amah ang Thian ka tawng law’ng e,

Tu hriat senloh min hmangaihzia.

He Kawng zawha hliam leh tlute,

Mittui nena zawh zotute;

Hnehtu chanvo anlo pek ang,

Krista zarah ka chang ve ang.

Lanthara Siakeng