Page 183 - Mizo Fakna Hlabu

No-188

KA ZAICHHAN

-V Thangzama (Lehlin) Key-B
b

1. Leiah rohlu chhuangin zai mahse,

Nawmchenpui zawng hril mahse;

Kei ka zaipui chu Lal Isua hming hlu,

Rotha leh hlu chuai ngailo chu.

Ka zaichhan ber Isua hlu ber hi, Hla taka ka eng a ni;

Fak leh chawimawi phu ber Lal Isua,

Varparh Arsi engmawia;

Ani chu chaklo min ti chaktu,

Lung min hnemtu ka lawmna ber chu;

Ka Saron Parmawi Isua chu a ni,

Ka zaichhan ber chu a ni.

2. An sawi an hril thillo lam an hril,

Khawvel mi’n hriat chak thil;

Mahse hrilfo se ngaihnawm a tlinglo,

Kei ka zaichhan hi a tluklo.

3. Hmangaih a thar zing dai ang a var,

Zingtian khawvar ang a var;

Isua pek hlu ber kan tan lawmna ber,

Teh kher lova pek lawmna ber.

4. Hun pawh seise kan kum pawh reise,

Hmangaih hla dang a leng law’ng;

Chu chu a ni kei ka kumkhaw hla ve,

Sak zawh reng hi a awm theilo.

Lanthara Siakeng